Connect with us

Hi, what are you looking for?

သတင်း

လေကြောင်းအန္တရာယ်ကြားမှ ဖားကန့်နွံကန် ပြိုကျမှု ဒုတိယမြောက်နေ့ ဆက်လက်ရှာဖွေ

ပထမ​နေ့တွင် က​လေးငယ် ၄ ဦးအပါအဝင် ရုပ်အ​လောင်း ၁၂ ​လောင်းရှာ​ဖွေ​တွေ့ရှိထား

ဖားကန့်နွံကန်ပြိုကျမှုတွင်​သေဆုံးခဲ့သူများ၏ ရုပ်အ​လောင်းများကို လူမှုကူညီ​ရေးအဖွဲ့များက ရှာ​ဖွေကယ်ဆယ်​ရေးပြုလုပ်ပြီး အ​လောင်းတ​လောင်းကိုသယ်ထုတ်လာစဥ်။ဓါတ်ပုံ-CJ

ကဖေး/People’s Spring

ဖားကန့်မြို့နယ် စဘော့ကျေးရွာမှ ကျောက်စိမ်းတူးဖော်ရေးလုပ်ကွက် နွံကန်ပြိုကျမှုတွင် ဇန်နဝါရီ ၁၃ ရက်နေ့ ညနေပိုင်းအထိ ရုပ်အလောင်း ၁၂လောင်းတွေ့ရှိထားပြီး ယ‌နေ့ (ဇန်နဝါရီ ၁၃)နံနက်ပိုင်းတွင် ဒုတိယမြောက်နေ့ ရှာဖွေကယ်ဆယ်ရေးဆက်လက်ပြုလုပ်နေသည်။

စဘော့ကျေးရွာမှနွံကန်သည့် ဇန်နဝါရီ ၁၃ရက် နံနက် ၁နာရီခန့်တွင် ပြိုကျပြီး ရွာအတွင်းရှိ အိမ်ခြေ ၅၀ကျော် အိမ်ခေါင်မိုး မြုပ်လုနီးပါးအထိ နစ်မြုပ်သွားခဲ့သည်။

“အိပ်မောကျနေချိန် ဆူနာမီလို တိုက်စားသွားတာ။ ရေတောင်မပါဘူး။ နွံတွေကြီးပဲ။ သေဆုံးသူကတော့ များမှာဗျ။ တွေ့တာက ၁၂ လောင်း ရှိပြီ”ဟု ဒေသခံတစ်ဦးကပြောသည်။

Public Service Announcement

Public Service Announcement

နွံကန်ပြိုကျစဉ် ထွက်ပြေးလွတ်မြောက်လာသူအချို့လည်းရှိပြီး သေဆုံးသူသည် အနည်းဆုံး ၁၀၀ကျော်နိုင်ကြောင်း ဒေသခံများကခန့်မှန်းထားသည်။

​ဒေသခံလူမှုကယ်ဆယ်ရေးအဖွဲ့များက ဦးဆောင်ရှာ‌ဖွေနေပြီး ဇန်နဝါရီ ၁၃ ရက် ညနေအထိ ကလေးငယ် ရုပ်အလောင်း ၄ လောင်း၊ လူကြီးရုပ်အလောင်း ၈ လောင်း တွေ့ရှိထားသည်။

“ဆက်ဖော်ဖို့ခက်ပေမယ့် ရှာနေကြပါတယ်။ လေကြောင်းရန်လည်း သတိထားရတယ်။ မနေ့ကလိုမျိုးဖြစ်မှာစိုးရိမ်ကြတယ်လေ” ဟု ဒေသခံတဦးကပြောသည်။

နွံကန်ပြိုကျမှုကို ရှာဖွေကယ်ဆယ်ရေးပြုလုပ်နေစဉ် ဖားကန့်မြို့နယ် ဆန်ခါ နှင့် မဇွပ်ယာန်ရွာအတွင်း ကျောက်စိမ်းတူး‌ဖော်ရေးလုပ်ကွက်များ ကို စစ်ကောင်စီက လေကြောင်းမှဗုံးကြဲ ပစ်ခတ်တိုက်ခိုက်ခဲ့သည်။ ထို့ကြောင့် နွံကန်ပြိုကျမှုရှာဖွေကယ်ဆယ်ရေးများ နာရီအနည်းငယ်ကြာရပ်နားခဲ့ရသည်။ လေကြောင်းတိုက်ခိုက်မှုတွင် ပြည်သူဆယ်ဦးထက်မနည်းသေဆုံးခဲ့ကြောင်း ​ဒေသခံအချို့က​ပြောသည်။

စစ်ကောင်စီသည်ယခုရက်ပိုင်းအတွင်း လေကြောင်းတိုက်ခိုက်မှုများပိုမိုပြုလုပ်လာသည်။

ဇန်နဝါရီလ ၁၁ ရက်နေ့ကလည်း တနိုင်းမြို့နယ်၊ လပူခရွှေမှော်နှင့်စန်လွန်ရွှေမှော်ကို စစ်ကောင်စီက လေကြောင်းတိုက်ခိုက်ခဲ့သည်။ အဆိုပါတိုက်ခိုက်မှုတွင် ကလေးငယ်အချို့အပါအဝင် ​ဒေသခံပြည်သူ ၁၈ ဦး သေဆုံးခဲ့ကြောင်းကချင်လွတ်လပ်ရေးတပ်မတော်(KIA)က ထုတ်ဖော်ပြောကြားထားသည်။

ဆက်စပ်သတင်းများ

သတင်း

စစ်တပ်အာဏာသိမ်းမှု (၄)နှစ်မြောက် ယနေ့ (ဖေဖော်ဝါရီ ၁) နံနက်တွင် ကချင်ပြည်နယ် ဖားကန့်မြို့၌ မှော်လှည့်သပိတ်အဖွဲ့မှ စစ်အာဏာရှင် ဆန့်ကျင်ရေး လှည့်လည်ဆန္ဒပြခဲ့ကြသည်။

သတင်း

နွံကန်ပြိုကျ၍ လူ ၃၀ကျော်သေဆုံးခဲ့သည့် ကချင်ပြည်နယ်၊ ဖားကန့်မြို့ စပေါ့ကျေးရွာ၌ ယမန်နေ့(ဇန်နဝါရီ ၃၀ရက်) ညက နွံကန်တစ် ကန်ထပ်ပြိုပြီး လူ သုံးဦးထပ်မံသေဆုံးခဲ့သည်။

သတင်း

ဖားကန့်မြို့နယ်၊ စဘော့ကျေးရွာမှ ကျောက်စိမ်းတူးဖော်ရေးလုပ်ကွက် နွံကန်ပြိုကျမှုတွင် တူးဖော်တွေ့ရှိသည့် ရုပ်အလောင်း ၃၁ လောင်းကို ယနေ့ (ဇန်နဝါရီ ၁၆ ရက်​နေ့ ) သင်္ဂြုလ်မည်ဖြစ်သည်။

သတင်း

ကချင်ပြည်နယ်၊ ဖားကန့်မြို့နယ် စဘော့ကျေးရွာမှ ကျောက်စိမ်းတူးဖော်ရေးလုပ်ကွက် နွံကန်ပြိုကျမှုတွင် ကလေးငယ်လေးဦးနှင့် အမျိုးသမီး ၁၄ဦးအပါအတင် ရုပ်အလောင်း ၃၂လောင်းတွေ့ရှိခဲ့ပြီးနောက် ရှာဖွေကယ်ဆယ်ရေးရပ်ဆိုင်းလိုက်ပြီဖြစ်သည်။