သုည/People’s Spring
ရန်ကုန်နဲ့ စစ်ကိုင်းတိုင်းက သပိတ်အဖွဲ့တွေ၊ ဒေသခံပြည်သူတွေက စစ်အာဏာရှင် ဆန့်ကျင်ရေး သပိတ်လှုပ်ရှားမှုတွေ ဒီကနေ့ (ဇန်နဝါရီ ၂၉)မှာ အသီးသီး ပြုလုပ်ခဲ့ကြပါတယ်။
ရန်ကုန်မြို့ တစ်နေရာမှာ ပြည်သူလူထုအပေါ် ရက်စက်ကြမ်းကြုတ်မှုတွေ ပြုလုပ်နေတဲ့ စစ်ခေါင်းဆောင်မင်းအောင်လှိုင်နဲ့ ပူးပေါင်းပြီး အကြမ်းဖက်မှုတွေ ထောက်ခံကူညီနေသော တရုတ်သမ္မတ ရှီကျင့်ဖျင်ကို ကိုယ်စားပြု သရော်တဲ့ ဝက်ဝံရုပ်နဲ့ ဓာတ်ပုံရိုက် ဆန္ဒထုတ်ဖော်ခဲ့ပါတယ်။
ယင်းလှုပ်ရှားမှုကို စမ်းချောင်းပင်မသပိတ်စစ်ကြောင်း(SC Strike) နဲ့ ရန်ကုန်တော်လှန်ညီနောင် (၄)ဖွဲ့တို့ ပူးပေါင်းဆောင်ရွက်ခဲ့ကြတာ ဖြစ်ပါတယ်။
Public Service Announcement
စစ်ကိုင်းတိုင်းမှာလည်း နောက်ပြန်မလှည့်ကြေး ဒီတော်လှန်ရေး လူထုသပိတ်စစ်ကြောင်းက ဦးဆောင်ကာ မတရားစစ်မှုထမ်းဥပဒေကို ဆန့်ကျင်ကြောင်း ကြွေးကြော်ဆန္ဒပြခဲ့ပါတယ်။
ဆားလင်းကြီးမြို့နယ် လက်ပံတောင်းတောင်ဒေသ မှာလည်း အာဏာရှင်ဆန့်ကျင်ရေးသပိတ်အင်အားစုက “၂ဝ၂၅ နှစ်သစ်မှာ စစ်အာဏာရှင်နိဂုံးချုပ်ဖို့ လူထုစွမ်းအားနဲ့ တိုက်ဖျက်စို့” ခေါင်းစဥ်နဲ့ စစ်အာဏာရှင်ဆန့်ကျင်ရေးသပိတ် ပြုလုပ်ခဲ့ကြပါတယ်။
ဓာတ်ပုံ – စစ်ကိုင်းဒေသသပိတ်အင်အားစု၊ ရွာပေါင်းစုံသပိတ်၊ SC Strike
