နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ မတရားဖမ်းဆီးခံထားရသူများအားလုံးကို ပြန်လွှတ်ပေးဖို့ ယူကေနိုင်ငံခြားရေး၊ ဓနသဟာယနှင့် ဖွံ့ဖြိုးရေးဆိုင်ရာ နိုင်ငံခြားရေး၀န်ကြီး David Lammy က ဒီနေ့ (ဖေဖော်ဝါရီ ၁ရက်)တောင်းဆိုလိုက်ပါတယ်။
“လွန်ခဲ့တဲ့ လေးနှစ်က မြန်မာစစ်တပ်ဟာ ဒေါ်အောင်ဆန်းစုကြည်ရဲ့ ဒီမိုကရေစီနည်းကျ ရွေးကောက်တင်မြှောက်ထားတဲ့ အစိုးရကို ဖြုတ်ချပြီး မြန်မာပြည်သူပြည်သားတွေရဲ့ လွတ်လပ်စွာထုတ်ဖော်ပြောဆိုခွင့်ကို ဆိုးဆိုးရွားရွားဖျက်ဆီးခဲ့ပါတယ်။ အပြစ်မဲ့ အရပ်သားများအနေနဲ့ နေ့စဥ် ရက်စက်ကြမ်းကြုတ်မှုတွေနဲ့ ရင်ဆိုင်နေရပြီး ဒေါ်အောင်ဆန်းစုကြည် အပါအဝင် ထောင်နှင့်ချီတဲ့ စစ်အာဏာရှင်ဆန့်ကျင်သူများဟာ နိုင်ငံရေးစွဲချက်များနဲ့ ထိန်းသိမ်းခံနေရဆဲ ဖြစ်ပါတယ်” လို့ ယူကေ နိုင်ငံခြားရေးဝန်ကြီး David Lammy က ပြောပါတယ်။
မြန်မာစစ်တပ်အာဏာသိမ်းမှု ၄နှစ်ပြည့်တဲ့နေ့မှာ ယူကေနိုင်ငံခြားရေးဝန်ကြီးက အခုလို ထုတ်ဖော်ပြောကြားလာတာပါ။
အဲဒီအဖြစ်အပျက်တွေဟာ လေးနှစ်ကြာခဲ့ပြီဖြစ်ပေမယ့် မေ့ပျောက်လို့မရကြောင်းနဲ့ ဒေါ်အောင်ဆန်းစုကြည်အပါအဝင် မတရားဖမ်းဆီးထားသူများအားလုံးကို လွှတ်ပေးဖို့ တိုက်တွန်းကြောင်း ယူကေနိုင်ငံခြားရေးဝန်ကြီးက ဆက်ပြောပါတယ်။
Public Service Announcement
ဒါ့အပြင် မြန်မာပြည်သူတွေအတွက် ထိုက်တန်တဲ့ ငြိမ်းချမ်းသော ဒီမိုကရေစီကို ဖော်ဆောင်ဖို့လည်း ယူကေနိုင်ငံခြားရေးဝန်ကြီးက တိုက်တွန်းပါတယ်။
ရုပ်သံ – UK in Myanmar
