ဆဏ်း/ People’s Spring
ကိုရီးယားနိုင်ငံမှာ ပြုလုပ််မယ့်ဖျော်ဖြေပွဲလက်မှတ်တွေ တစ်ရက်အတွင်းမှာ ရောင်းကုန်သွားတယ်လို့ တော်လှန်အနုပညာရှင်ဖြူဖြူကျော်သိန်းက အသိပေးထားပါတယ်။
“အကြူးကြမ်းသလို၊ အားပေးလည်းကြမ်းချက်နော်။
Phyu Phyu in Korea လက်မှတ်လေးတွေ အရောင်းဖွင့်တာ 24 နာရီမပြည့်ခင် အားလုံး ဆို့အောက်ပါတယ် တဲ့ ” လို့ဖြူဖြူကျော်သိန်းကရေးသားထားပါတယ်။
Public Service Announcement
၂၀၂၅ အတွက် ပထမဆုံးဖျော်ဖြေပွဲအနေနဲ့ ဖြူဖြူကျော်သိန်းရဲ့ တစ်ကိုယ်တော်ပွဲကို မတ်လ ၁ ရက် ကိုရီးယားနိုင်ငံမှာ ပြုလုပ်မှာဖြစ်ပြီးဖျော်ဖြေပွဲလက်မှတ်တွေကို ဖေဖော်ဝါရီ ၁ ရက်မှာ စတင်ရောင်းချခဲ့တာဖြစ်ပါတယ်။
ဒီပွဲကို ကိုရီးယားရောက်လူငယ်တွေက စုပေါင်းလုပ်ဆောင်ပေးတာဖြစ်ပြီး ပွဲစီစဉ်တဲ့ အတွေ့အကြုံ ရှိသူတွေမဟုတ်ပေမယ့် အသေးစိတ်ကအစ သေသေချာချာလုပ်ဆောင်ကြတယ်လို့ဖြူဖြူကျော်သိန်းက ဆိုပါတယ်။
အာဏာသိမ်းကာလမှာ ဖြူဖြူကျော်သိန်းရဲ့ ပထမဆုံးတစ်ကိုယ်တော်ဖျော်ဖြေပွဲကို လန်ဒန်မြို့မှာ ပြီးခဲ့တဲ့နှစ် နိုဝင်ဘာ ၂ ရက်ကပြုလုပ်ခဲ့တာဖြစ်ပြီး ပရိသတ်တစ်ထောင်ကျော်လာရောက်ကြည့်ရှုခဲ့ပါတယ်။
ဖြူဖြူကျော်သိန်းက သူမရဲ့ ကျန်းမာရေး အခြေအနေအပေါ် မူတည်ပြီး တခြားနိုင်ငံတွေမှာလည်း တစ်ကိုယ်တော်ဖျော်ဖြေပွဲတွေ ဆက်လုပ်သွားမယ်လို့ပြောထားပါတယ်။
ဒီပွဲတွေကို အနုပညာကြေးမယူဘဲ တော်လှန်ရေးအတွက် ရည်ရွယ်ဖျော်ဖြေပေးတာဖြစ်ပြီး နောက်ဆုံးဖျော်ဖြေပွဲကိုတော့ ပြည်သူ့ရင်ပြင်မှာ ပြုလုပ်ဖို့ ဆန္ဒရှိတယ်လို့ ဖြူဖြူကျော်သိန်းကပြောထားပါတယ်။
