Connect with us

Hi, what are you looking for?

သတင်း

TNLA နှင့် ပြဿနာဖြစ်ပွားမှု ရှေ့တန်းတပ်မှူးများ တွေ့ဆုံဖြေရှင်းပြီးဖြစ်ဟု KIA ပြော

ရှမ်းပြည်နယ်မြောက်ပိုင်း ဒေသ အချို့၌ ကချင်လွတ်လပ်ရေးတပ်မတော်(KIA)နှင့် တအာင်းတပ်မတော်(TNLA) အကြား နယ်မြေဆိုင်ရာ အငြင်းပွားပြီး ပြဿနာများဖြစ်ပွားခဲ့မှုကို သက်ဆိုင်ရာဒေသရှိ မြေပြင်တပ်မှူးများတွေ့ဆုံဆွေးနွေးဖြေရှင်းနိုင်ခဲ့၍ လတ်တလောပြဿနာများ မရှိတော့ဟု KIA သတင်းပြန်ကြားရေးဌာနတာဝန်ခံ ဗိုလ်မှူးကြီးနော်ဘူက ပြောသည်။

KIA နှင့် TNLA တပ်မှူးများ ​တွေ့ဆုံဆွေး​နွေးပြီး​နောက်​တွေ့ရစဥ်။ဓါတ်ပုံ-Kachin Offcial Page

ဟန်နွေ/People’s Spring

ရှမ်းပြည်နယ်မြောက်ပိုင်း ဒေသ အချို့၌ ကချင်လွတ်လပ်ရေးတပ်မတော်(KIA)နှင့် တအာင်းတပ်မတော်(TNLA) အကြား နယ်မြေဆိုင်ရာ အငြင်းပွားပြီး ပြဿနာများဖြစ်ပွားခဲ့မှုကို သက်ဆိုင်ရာဒေသရှိ မြေပြင်တပ်မှူးများတွေ့ဆုံဆွေးနွေးဖြေရှင်းနိုင်ခဲ့၍ လတ်တလောပြဿနာများ မရှိတော့ဟု KIA သတင်းပြန်ကြားရေးဌာနတာဝန်ခံ ဗိုလ်မှူးကြီးနော်ဘူက ပြောသည်။

ရှမ်းမြောက် ကွတ်ခိုင်မြို့နယ် နမ့်ဖက်ကာ အပါအဝင် ဒေသအချို့၌ ဇန်နဝါရီလတွင် KIA နှင့် TNLA မြေပြင်တပ်ဖွဲ့များအကြား ပြဿနာများ မကြာခဏ ဖြစ်ပွားခဲ့ရာ တိုက်ပွဲဖြစ်ပွားမှု ပစ်ခတ်မှုမရှိသော်လည်း အပြန်အလှန် အချင်းများမှုများ ရှိခဲ့သည်။

အဆိုပါ အခြေအနေနှင့်ပတ်သက်ပြီး မကြာသေးမီက KIAနှင့် TNLA သက်ဆိုင်ရာတပ်မှူးများတွေ့ဆုံခဲ့သည့် သတင်းများအပေါ် ဗိုလ်မှူးကြီးနော်ဘူက အတည်ပြု ဖြေကြားခဲ့ခြင်းဖြစ်သည်။

Public Service Announcement

Public Service Announcement

“TNLAနဲ့ ဖြစ်တဲ့ပြဿနာတွေကတော့ဒေသခံ လူကြီးတွေနဲ့တွေ့ဆုံဆွေးနွေးပြီးမှအခု ဒီဘက်ပိုင်းကတော့ပြဿနာတွေမရှိတော့ဘူး။ ပြန်ငြိမ်သွားပါပြီနော်။ စာချုပ်တွေချုပ်ထားတာလောက်တော့မဟုတ်ပါဘူး။ ရှေ့တန်းကရှေ့တန်းမှူးတွေသူတို့ အချင်းချင်းတွေ့ပြီးတော့ အခုလိုမျိုးထိတွေ့ပွတ်တိုက်မှုမဖြစ်အောင်နှစ်ဖက်ကတော့ကိုယ့်ရဲ့လက်အောက်ငယ်သားတွေကို ထိန်းထိန်းသိမ်းသိမ်းလုပ်ဖို့ ပြောထားတယ်လို့ ကြားပါတယ်။”ဟုဗိုလ်မှူးကြီးနော်ဘူကပြောသည်။

တွေ့ဆုံဆွေးနွေးမှု၌ သဘောတူညီချက်များအနက် လိုအပ်ပါက အချင်းချင်းအကြောင်းကြားပြီးသွားလာရန် ကိစ္စကို အချင်းချင်း ညှိနှိုင်းဖြေရှင်းခဲ့ကြောင်း ဗိုလ်မှူးကြီးနော်ဘူကပြောသည်။

KIA နှင့် TNLA အကြား ပြဿနာ ဖြစ်ပွားမှု၊ ဆွေးနွေးဖြေရှင်းနိုင်မှု အခြေအနေများနှင့် ပတ်သက်ပြီး TNLA ပြောရေးဆိုခွင့်ရှိသူ လွေးယေဦးအား ယနေ့ (​ဖေ​ဖော်ဝါရီ ၄ရက်​နေ့) ထပ်မံ ဆက်သွယ်မေးမြန်းထားဆဲဖြစ်ပြီး အဆက်အသွယ်မရသေးပေ။

သို့ရာတွင် TNLA ဥက္ကဋ္ဌအပါအဝင်ထိပ်ပိုင်းခေါင်းဆောင်များက မဟာမိတ်အချင်းချင်း အကြား ပြဿနာများကို နိုင်ငံရေးနည်းအရ ဆွေးနွေးဖြေရှင်းရမည်ဖြစ်ပြီး ဘုံရန်သူစစ်ကောင်စီကိုသာ ညီညွတ်စွာ တိုက်ခိုက်ကြရမည်ဟု သဘောထားများ ထုတ်ပြန်ပြောဆိုထားသည်။

KIA နှင့် TNLA တပ်မှူးများ ‌ဇန်နဝါရီ ၃၁ရက်က တွေဆုံခဲ့မှု မှတ်တမ်း အား ကချင် သတင်းရင်းမြစ်အချို့က လူမှုကွန်ရက်၌ ဖော်ပြထားသည်ကိုတွေ့ရစဉ်

ဆက်စပ်သတင်းများ

သတင်း

ကချင်ပြည်နယ်၊ ဗန်းမော်မြို့တွင် ကချင်လွတ်လပ်ရေးတပ်မတော်(KIA)ပူးပေါင်းတပ်နှင့် စစ်ကောင်စီတပ်အကြား တိုက်ပွဲဆက်လက်ဖြစ်ပွားလျက်ရှိပြီး ဖေဖော်ဝါရီ ၁၀ ရက်တိုက်ပွဲအတွင်း နှစ်ဖက်ကျဆုံးမှုရှိခဲ့ပြီး စစ်ကောင်စီတပ်ဖွဲ့ဝင်အများအပြား ဖမ်းမိထားသည်ဟု ကချင်စစ်ရေးသတင်းရင်းမြစ်အချို့က အသိပေးသည်။

သတင်း

တော်လှန်ရေးဦးတည်ချက်များနှင့် ဆန့်ကျင် သော တအာင်းတပ်မတော် (TNLA)၏ လုပ်ရပ်အား ကန့်ကွက်ရှုတ်ချကြောင်း ရှမ်းနိုင်ငံရေးပါတီ၊ ရှမ်းလက်နက်ကိုင် တပ်များဖြင့် စုဖွဲ့ထားသည့် ရှမ်းပြည်ပူးပေါင်းဆောင်ရွက်ရေးကော်မတီ(SSJAC)က ယနေ့ (ဖေဖော်ဝါရီ ၁၀ရက်) ထုတ်ပြန်သည်။

သတင်း

ကချင်လွတ်လပ်ရေးတပ်မတော်(KIA) ကမြိုသိမ်းတိုက်ပွဲဆင်နွှဲနေသည့်ဗန်းမော်မြို့ရှိ စစ်ကောင်စီ၏ အမှတ်(၅၀၁၄) တင့်ကားတပ်ရင်းကို KIAကထပ်မံသိမ်းပိုက်ပြီဖြစ်ကြောင်းကချင်စစ်ရေးသတင်းရင်းမြစ်က ပြောသည်။

သတင်း

ကချင်လွတ်လပ်ရေးတပ်မတော်(KIA) ဌာနချုပ် လိုင်ဇာအပါအဝင် ကချင်ဒေသနေရာ ၈ခုထက်မနည်းကို စစ်ကောင်စီက တိုက်လေယာဉ်၊ အသေခံဒရုန်းများအသုံးပြု၍ လေကြောင်း တိုက်ခိုက်ခဲ့ကြောင်း KIA သတင်းပြန်ကြားရေးဌာနက ဖော်ပြသည်။