အမေရိကန်ပြည်ထောင်စု ကယ်လီဖိုးနီးယားပြည်နယ် ဆန်ဖရန်စစ္စကိုမြို့တော်ခန်းမရှေ့တွင် ပြည်ပရောက်မြန်မာများ ဦးဆောင်ကာ ဗိုလ်ချုပ်အောင်ဆန်း၏ နှစ် (၁၁၀)ပြည့် မွေးနေ့နှင့်အတူ စစ်အာဏာရှင်ဆန့်ကျင်ရေး မြေပြင်လူထုသပိတ်ကို ယနေ့ (ဖေဖော်ဝါရီ ၁၆) ပြုလုပ်ခဲ့သည်။
ဆန္ဒပြမြန်မာများက “ဗိုလ်ချုပ်မျှော်မှန်း ဖက်ဒရယ်လမ်းသို့” ခေါင်းစဉ်နှင့်အတူ နှစ် ၁၁၀ ပြည့် မွေးနေ့ ပြုလုပ်ခဲ့ပြီး “တသံတည်းညီ တချီတည်းရုန်း” ၊ “Free Mother Suu” ၊ “Ban Jet Fuel Sales and Shipment Insurance To Myanmar” ၊ “Free Burma” စသည့် စာသားများကို ကိုင်ဆောင်ကာ ဆန္ဒထုတ်ဖော်ခဲ့သည်။
အဆိုပါသပိတ်ကို Free Burma Action Committee – Northern California က ဦးဆောင်ခဲ့ပြီး နွေဦးတော်လှန်ရေး အင်အားစုများ၊ထောက်ပို့ပြည်သူများနှင့် ကျောင်းသားအင်အားစုများ အတူတကွ ပူးပေါင်းဆန္ဒထုတ်ဖော်ခဲ့သည်။
Public Service Announcement
