Connect with us

Hi, what are you looking for?

သတင်း

စစ်​ကောင်စီက ​နောင်ချိုကိုဗုံးကြဲ အမျိုးသမီး ၁ဦး​သေဆုံးပြီး ၃ ဦးဒဏ်ရာရ

နောင်ချိုမြို့နယ်၊လောက်ဖန်းရွာကို ​ဖေ​ဖော်ဝါရီ ၂၀ ရက်​နေ့ ညပိုင်းမှာ စစ်တပ်ကလေကြောင်းတိုက်ခိုက်သွားတာမို့ အမျိုးသမီးတဦးသေဆုံးပြီးကလေးငယ်တွေအပါအဝင်၃ဦးဒဏ်ရာရခဲ့တယ်လို့ ဒေသခံ​တွေက​ပြောတယ်။

နောင်ချိုမြို့နယ်၊လောက်ဖန်းရွာကို ​ဖေ​ဖော်ဝါရီ ၂၀ ရက်ညမှာဗုံးကျဲခံရပြီး​နောက် အပျက်အစီး​တွေကို ​တွေ့ရစဥ်။ ဓါတ်ပုံ- Thein Aung

ရှိန်း/People’s Spring

နောင်ချိုမြို့နယ်၊လောက်ဖန်းရွာကို ​ဖေ​ဖော်ဝါရီ ၂၀ ရက်​နေ့ ညပိုင်းမှာ စစ်တပ်ကလေကြောင်းတိုက်ခိုက်သွားတာမို့ အမျိုးသမီးတဦးသေဆုံးပြီးကလေးငယ်တွေအပါ အဝင်၃ဦးဒဏ်ရာရခဲ့တယ်လို့ ဒေသခံ​တွေက​ပြောတယ်။

ဖေဖော်ဝါရီ၂၀ရက်နေ့ ၊ ည၈နာရီခွဲလောက်မှာစစ်​ကောင်စီရဲ့ တံတားဦးလေတပ်ကနေ နောင်ချိုမြို့နယ်ထဲကိုဂျက်ဖိုက်တာ​လေယာဥ်နဲ့ပေါင်၂၅၀ဗုံးတွေကြဲချတိုက်ခိုက်ခဲ့တာလ်ို့သိရပါတယ်။

ဒီတိုက်ခိုက်မှုကြောင့်နေအိမ်မှာအိပ်နေတဲ့အဖွားအိုတဦးသေဆုံးပြီး ကလေးတွေအပါအဝင် ပြည်သူ၃ဦးထိခိုက်ဒဏ်ရာတွေရခဲ့တာလို့​ဒေသခံ​တွေက​ပြောပါတယ်။

Public Service Announcement

Public Service Announcement

“အိမ်တွေပေါ်ကျတာ။အဖွားကအိမ်ပြိုတဲ့အထဲမှာ ပါသွားပြီးသေတာ”လို့ ဒေသခံတဦးကလည်းပြောပါတယ်။

လောက်ဖန်းရွာဟာ နောင်ချိုမြို့နဲ့ ပြင်ဦးလွင်မြို့ရဲ့ကြားထဲမှာရှိပြီး နာမည်ကြီးဘိလပ်မြေစက်ရုံရှိတဲ့ကျေးရွာလို့သိရပါတယ်။

ဖေဖော်ဝါရီလ၁၉ရက်နေ့ညပိုင်းကလည်း နောင်ချိုမြို့ပေါ်က ဘူတာရပ်ကွက်နဲ့ ပြည်သူ့ဆေးရုံပေါ်ကို ဗုံးကျဲတိုက်ခိုက်ခဲ့တာကြောင့် ပြည်သူ၃ဦးသေဆုံးပြီး ၄ဦးထိခိုက်ဒဏ်ရာရခဲ့ပါသေးတယ်။

တရုတ်အစီအစဥ်နဲ့ ကူမင်းမြို့မှာ ​ဖေ​ဖော်ဝါရီလလယ်ပိုင်းမှာ စစ်ကောင်စီတပ် နဲ့ TNLA ခေါင်းဆောင်တွေရဲ့ ​ဖေ​ဖော်ဝါရီ လလယ်​ဆွေးနွေးပွဲ သ​ဘောတူညီချက်မရပဲ ပျက်ပြီးတဲ့အချိန်ကစပြီး စစ်ကောင်စီတပ်ဟာ နောင်ချိုမြို့နယ်ကိုလေကြောင်းတိုက်ခိုက်တာတွေတရစပ်လုပ်နေတာပါ။​ဆွေး​နွေးပွဲမတိုင်ခင်​ရော ၊​ဆွေး​နွေး​နေတုန်းမှာ​ရော စစ်​ကောင်စီက TNLA သိမ်းပိုက်ထိန်းချုပ်ထားတဲ့​ဒေသ​တွေကို ဆက်တိုက်ဗုံးကြဲခဲ့တာဖြစ်ပါတယ်။

မြေပြင်မှာလည်း တပ်မ(၃၃) နဲ့ တပ်မ(၅၅) ကိုထပ်ပို့ထားပြီး တိုက်ပွဲတွေဆက်တိုက်ဖြစ်နေတယ်လို့သိရပါတယ်။

စစ်​ကောင်စီတပ်ဟာ သူ့ဆုံးရှုံးပြီးတဲ့​​ဒေသ​တွေမှာ ​အရပ်သားပစ်မှတ်​တွေကိုပါ ဗုံးကြဲတိုက်ခိုက်မှု​တွေ ဒီ​နောက်ပိုင်းတိုးလုပ်လာတယ်လို့​တော်လှန်​ရေးအဖွဲ့​တွေက​ပြောပါတယ်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်ကိုင်းတိုင်း၊ ကလေး၊ ဘုတလင်၊ ရွှေဘိုနဲ့ လက်ပံတောင်းတောင်ဒေသတွေမှာ တော်လှန်သပိတ်အင်အားစုတွေ၊ ဒေသခံပြည်သူတွေက ဘုံတိုဆီမီးသပိတ်လေကြောင်းတိုက်ခိုက်ခံရမှု (၁)နှစ်ပြည့် ဝမ်းနည်းခြင်းအဖြစ် သပိတ်လှုပ်ရှားမှုတွေကို ဒီကနေ့ (အောက်တိုဘာ ၂၅) ပြုလုပ်ခဲ့ပါတယ်။

သတင်း

ချင်းပြည်နယ်၊ ပလက်ဝမြို့နယ်၊ ဒိုင်ရ်ဒေသ အရပ်သားပြည်သူများအပေါ် ပစ်မှတ်ထားတဲ့ စစ်တပ်ရဲ့ လေကြောင်း တိုက်ခိုက်မှု လုပ်ရပ်အပေါ် ကန့်ကွက်ရှုတ်ချကြောင်း ချင်းအမျိုးသားတပ်ဦး(CNF)က သတင်းထုတ်ပြန်ပါတယ်။

သတင်း

စစ်ကိုင်းတိုင်း၊ ဘုတလင်မြို့နယ်၊ ကွမ်းခြံကျေးရွာမှာ အာဏာသိမ်း စစ်တပ်က ဒီ​နေ့ လေကြောင်းတိုက်ခိုက်လို့ ကလေး ၂ ဦးအပါအဝင် ဒေသခံ အမျိုးသမီး ၆ ဦး သေဆုံးပြီး အမျိုးသမီးတစ်ဦး သေဆုံးခဲ့ပါတယ်။