ဟန်နွေ/People’s Spring
အာဏာသိမ်းစစ်ကောင်စီကိုယ်စားလှယ်နှင့် ချင်းပြည်ကောင်စီ တာဝန်ရှိသူအချို့ ထိုင်းနိုင်ငံ ဘန်ကောက်မြို့၌ တွေ့ဆုံသည်မှာ သတင်းအမှားသာဖြစ်ကြောင်း ချင်းပြည်ကောင်စီအဖွဲ့ဝင် ချင်းအမျိုးသားတပ်ဦး(CNF) အတွင်းဝန်ရုံးက ရှင်းလင်းချက် ထုတ်ပြန်သည်။
“ဒို့ဌာနေ Zogam သတင်း” ဟူသော အမည်မသိ Facebook Page ပိုင်ရှင်က “SAC အကြီးအကဲတစ်ဦးနဲ့ Chinland Council (CC)၊ CHRO တာဝန်ရှိသူတချို့ ဘန်ကောက်မြို့၌တွေ့ဆုံပြီး ဂတိကဝတ်များ ပေးကြ” ဟူသောခေါင်းစဉ်ဖြင့် လုပ်ကြံရေးသားမှုသည် လုံးဝ(လုံးဝ)မဟုတ်မှန်ကြောင်း ပြည်များအား အသိပေးခဲ့ခြင်းဖြစ်သည်။
ချင်းအမျိုးသားတပ်ဦးအနေဖြင့် ၂၀၂၁ စစ်အာဏာသိမ်းသည့်နောက်ပိုင်း တစ်နိုင်ငံလုံးအပစ်ရပ် စာချုပ်NCA လမ်းကြောင်းကို စွန့်လွှတ်လိုက်သည့်အပြင်၊ စစ်ကောင်စီတပ်ဖွဲ့တစ်ချို့ကို စစ်မြေပြင်တွင် စစ်ရေးဗျူဟာအရ လက်နက်ချ အလင်းဝင်စေရေး ဖိအားပေးပြောဆိုမှုမှအပ စစ်ကောင်စီလက်အောက်ရှိ မည်သည့်အဖွဲ့၊ ပုဂ္ဂိုလ်နှင့်မျှ ဆက်သွယ်စကားပြောခြင်းမရှိခဲ့ဟု CNF အတွင်းဝန်ရုံးက ထုတ်ပြန်သည်။
Public Service Announcement
CNFအနေဖြင့် အချင်းဒေသကာကွယ်ရေးတပ်ဖွဲ့များနှင့်ပူးပေါင်းပြီး စစ်တပ်အာဏာသိမ်းစကတည်းက စစ်ကောင်စီကိုတိုက်ခိုက်လျက်ရှိရာ ချင်းပြည်နယ်ရှိမြို့အချို့နှင့် တပ်စခန်းများစွာကို သိမ်းပိုက်ထားသည့်။
CNF၏ အတွင်းရေးမှူးအဖွဲ့ရုံး ဖွဲ့စည်းမှုကို ၂၀၂၄ ဇူလိုင် ၂၃ရက်တွင် ချင်းအမျိုးသားတပ်ဦး၏ ဗဟိုအလုပ်အမှုဆောင်ကော်မတီ (CEC)၏ ဆုံးဖြတ်ချက်ဖြင့် ဖွဲ့စည်းခဲ့ခြင်းဖြစ်သည်။
ချင်းအမျိုးသားတပ်ဦး (CNF) အထွေထွေအတွင်းရေးမှူးအဖွဲ့၏ စီမံခန့်ခွဲမှုလုပ်ငန်းများကို အထောက်အကူပြုခြင်း၊ မူဝါဒဆိုင်ရာ သုတေသနပြုလုပ်၍ ဥက္ကဌအဖွဲ့ အပါအဝင် ချင်းအမျိုးတပ်ဦး ခေါင်းဆောင်များကို အကြံပြုချက်များပေးအပ်ခြင်း၊ ပြည်သူ့ဆက်ဆံရေး၊ ချင်းပြည်နှင့် မြန်မာပြည်တွင်း သက်ဆိုင်သူအစုအဖွဲ့များနဲ့ ဆက်သွယ်ဆက်ဆံရေး (Stakeholder engagement)၊ နိုင်ငံတကာ စည်းရုံးလှုံ့ဆော်မှု (International advocacy) ဆိုင်ရာ မဟာဗျူဟာနှင့် နည်းဗျူဟာများ ဖော်ထုတ်ဆောင်ရွက်ခြင်းစသည့် လုပ်ငန်းစဉ်များအား ချမှတ်ထားသည့် လုပ်ငန်းလမ်းညွှန်နှင့် အညီ ဖော်ဆောင်သွားမည်ဟု အတွင်းရေးမှူးအဖွဲ့ရုံးက အသိပေးထားသည်။
အတွင်းရေးမှူးအဖွဲ့ရုံးသည် အဖွဲ့အစည်းနှင့် ပတ်သက်ပြီး သတင်းမှားများ၊ စစ်ကောင်စီ၏ ဝါဒဖြန့်မှုများကိုလည်းပြန်လည်ရှင်းလင်းလျက်ရှိသည်ကိုယ်လည်းတွေ့ရသည်။
