မိထက်/People’s Spring
ကချင်ပြည်နယ်၊ မြစ်ကြီးနားမြို့၊ အင်ဂျန်ဒုံရပ်ကွက်ရှိ အထက်တန်ကျောင်းရှေ့အမှိုက်ပုံတွင် ပလပ်စတစ်အိတ်ဖြင့်ထုပ်ထားသည့် အမျိုးသမီးရုပ်အလောင်းတစ်လောင်းကို ယနေ့(မတ်လ ၄ရက်) နံနက်ပိုင်းက တွေ့ရှိခဲ့သည်။
” ရုပ်အလောင်းက လတ်လတ်ဆတ်ဆတ်ကြီးဖြစ်တာ ဟုတ်တယ်။သွားကြည်တော့ ထိတ်လန့်တုန်လှုပ်စရာဗျ” ဟု မြစ်ကြီးနားမြို့ခံတစ်ဦးက ပြောသည်။
ပလပ်စတစ်အိတ်ဖြင့်ထုပ်ထားသည့် အဆိုပါရုပ်အလောင်းကို နံနက် ၅နာရီခန့်တွင် ဒေသခံများကတွေ့ရှိခဲ့ခြင်း ဖြစ်သည်။
Public Service Announcement
မြစ်ကြီးနားမြို့သည် စစ်ကောင်စီထိန်းချုပ်ထားသည်မြို့ဖြစ်ပြီး မြောက်ပိုင်းတိုင်းစစ်ဌာနချုပ်နှင့် ပြည်နယ်ရဲတပ်ဖွဲ့ရုံး အခြေစိုက်သည့်မြို့လည်းဖြစ်သည်။ အင်ဂျန်ဒုံရပ်ကွက်သည် မြို့အတွင်းရှိရပ်ကွက်ဖြစ်ပြီး ယခုဖြစ်စဉ်ကို ဒေသခံများက ကြောက်လန့်နေကြသည်။
” မြို့ထဲမှာ လောင်းကစားရုံတွေ၊ ကေတီဗီတွေ အများကြီးပဲ။အရမ်းပျက်စီးသွားပြီ။ တရားဥပဒေစိုးမိုးမှုဘာမှမရှိတော့ဘူး” ဟု ဒေသခံတစ်ဦးက ပြောသည်။
အဆိုပါ ရုပ်အလောင်းအား စစ်ကောင်စီ၏ ရဲများကလာရောက်သယ်ဆောင်သွားပြီး နောက်ဆက်တွဲအခြေအနေများကို မသိရသေးပေ။
