စစ်ကောင်စီက စစ်ကိုင်းတိုင်း၊မုံရွာမြို့နယ်မှာ စက်တပ်လေထီး တွေကြီးကြပ်မယ့် အထိုင်စခန်းတခုချထားပြီး စစ်ကိုင်းတိုင်းအတွင်းကို လေကြောင်းတိုက်ခိုက်မှု ပိုမိုလုပ်ဖို့ စစ်ကောင်စီက စီစဥ်နေတယ်လို့ စစ်တပ်သတင်းအရင်းမြစ်တွေကပြောပါတယ်။
မုံရွာမြို့နယ်အတွင်း စက်တပ်လေထီးအထိုင်စခန်းတခုကို စစ်ကောင်စီက လေတပ်ကအရာရှိတွေကြီးကြပ်တည်ဆောက်ပြီး စစ်ကိုင်းတိုင်းအ
တွင်းက မြို့နယ်အားလုံးကို လွှမ်းခြုံတိုက်ခိုက်နိုင်ဖို့ စီစဥ် နေတာလို့စစ်တပ်တွင်း သတင်းရင်းမြစ်တဦးက ပြောပါတယ်။
Public Service Announcement
“ကချင်နဲ့ တောင်ခမ်းကို အဓိက လေယာဉ်သုံးချင်တယ်။စစ်ကိုင်းတိုင်းကို Paramoterနဲ့နယ် မြေရယူဖို့ ပြင်ဆင်နေတာ။ဒီနောက်ပိုင်း ထပ်တိုးပြီးတိုက်လိမ့်မယ်”လို့ သူကဆိုပါတယ်။
စစ်ကိုင်းတိုင်း၊ကန့်ဘလူမြို့နယ်မှာလည်း စစ်တပ်က စက်တပ်လေထီးတွေကို စတင်အသုံးပြု နေတယ်လို့ အဲဒီဘက်က တော်လှန်ရေးတပ်ဖွဲ့တွေဆီကသိရပါတယ်။
“လွန်ခဲ့တဲ့ ၅ရက်လောက်က ချပ်သင်းတိုက်ပွဲမှာ
စသုံးတယ်။စကစက ဒရုန်းနဲ့ ညှပ်ပြီးသုံးတာ။ညဘက်ဆိုရင် Paramoter ကချသွားတာလား၊ဒရုန်းကချသွားတာလားမသိဘူး။ဗုံးတွေပေါက်ကွဲပြီးမှကျွန်တော်တို့ကသိရတာ”လို့ ကန့်ဘလူမြို့နယ်မြောက်ဘက်ခြမ်းကတော်လှန် ရေးတပ်ဖွဲ့ဝင်တဦးက ပြောပါတယ်။
စစ်ကောင်စီဘက်က စက်တပ် လေထီးအသုံးပြုမှုကို ၂၀၂၄ခုနှစ် နှစ်ကုန်ပိုင်းမှာ မန္တလေးတိုင်း၊တောင်သာမြို့နယ်နဲ့နွားထိုးကြီးမြို့နယ်တွေမှာ စတင်အသုံးပြုခဲ့တာပါ ။
၂၀၂၅ခုနှစ်အတွင်းမှာတော့စစ်ကိုင်းတိုင်းက မုံရွာ၊ချောင်းဦး ၊ကနီ ၊မင်းကင်း စတဲ့မြို့နယ် တွေမှာပါ အသုံးပြုလာတာပါ။အလာတူ မကွေးတိုင်းမှာလည်း စက်တပ်လေထီးတွေကို စစ်တပ်က ပိုသုံးလာပါတယ် ။
စက်တပ်လေထီးဟာ ဈေးကြီးတဲ့ လေယာဥ်ဆီအသုံးချရမှုကို လျော့ချပြီး စာရိတ်နည်နည်းနဲ့ လေကြောင်းကတိုက်ခိုက်နိုင်တာ ၊ လေယာဥ်သံလိုစက်သံအကျယ်ကြီးမကြားရတာ ၊ ကောင်ကင်အမြင့်မှာ ပျံသန်းပြီးလက်နဲ့ ဗုံးချတိုက်ခိုက်တာမို့ အမြင့်ကိုရောက်အောင်ပစ်ခတ်ဖို့ခက်ခဲတာ ၊ ညဘက်
နဲ့ မနက်အလင်း ရောင် သေချာမရ သေးတဲ့အချိန် တွေမှာ အသုံးပြု နေတာမို့ တော်လှန်ရေးတပ်ဖွဲ့တွေက တန်ပြန်တိုက်ခိုက်ဖို့ အခက်အခဲတွေရှိနေပါတယ် ။
ဒါပေမယ့် မြိုင် ပကဖ နဲ့ တော်လှန်ရေးအဖွဲ့တွေက မတ်လ ၄ ရက်မှာ အမှတ် ၂၂ ကာကွယ်ရေးပစ္စည်းစက်ရုံ(ကပစ ၂၂ )ကပျံသန်းလာတဲ့ စက်တပ် လေထီး ၂ စီးကို ပွိုင့် ဖိုက် နဲ့ပစ်ခတ် တိုက်ခိုက်တာမှာ လေထီးမောင်းစစ်သားတစ်ဦး ပေါင်ထိမှန်ပြီးခြေထောက်ဖြတ်ရတယ်လို့ တပ်တွင်းကသတင်းရရှိတယ် လို့ မြိုင် ပကဖ ကတာဝန်ရှိသူက ပြောပါတယ် ။
ဒါအပြင် အာရက္ခတပ်တော် (AA ) နဲ့ စစ်ကောင်စီတပ်တို့ ရဲ့ ဖေဖော်ဝါရီလအတွင်း ရခိုင်ရိုးမပေါ်က တိုက်ပွဲမှာ AA ကစက်တပ်လေးထီး ၂ စီးကို ပစ်ချနိုင်ခဲ့တယ် လို့ ဒေသတွင်း သတင်းဌာနတွေကဖော်ပြခဲ့ကြပါတယ် ။ဒါပေမယ့် People’s Spring ကသီးခြားတော့ အတည်မပြုနိုင်ပါဘူး။
