စစ်ကိုင်း – မန္တလေးတံတား (ရတနာပုံမြစ်ကူးတံတား)ပေါ်က စစ်ဆေးရေးဂိတ်တွေကို စစ်ကောင်စီကပြန်ရုတ်သိမ်းသွားပြီး စစ်သားတွေတော့ ကျန်နေသေးတယ်လို့ ဒေသခံ တွေဆီက ပြောပါတယ်။
စစ်ကိုင်းတံတားတလျှောက်ဖွင့်ထားတဲ့ ဂိတ်တွေမှာ ထွေအုပ်၊လဝက၊ရဲ၊စည်ပင်၊ ပျူစောထီးနဲ့ စစ်တပ်စတဲ့ ဂိတ်ပေါင်းများစွာရှိပြီး ဗန်ကာနဲ့ ဝါးတားဂိတ် တွေပြုလုပ်ထားတာလို့ သိရပါတယ်။
ကားသမားတွေကို ငွေတောင်းကြမ်းတာနာမည်ဆိုးနဲ့ကျော်ကြားတဲ့ ဒီဂိတ်တွေကို ပြီးခဲ့တဲ့တပတ် လောက်က စစ်ကောင်စီအမိန့်နဲ့ ပြန်လည်ရုတ်သိမ်းသွားတာလို့ သိရပါတယ်။
Public Service Announcement
“ဂိတ်တွေ တော့မရှိ တော့ဘူ။စစ်သားတွေတော့ရှိတယ်။မထင်ရင်မထင်သလိုကားပေါ်ကဆွဲချတာ တွေလည်းရှိတယ်”လို့ ဒေသခံတစ်ဦးက ပြောပါတယ်။
၂၀၂၁ စစ်တပ်အာဏာသိမ်းပြီးချိန်ကစလို့ မန္တလေးဘက်ကနေ စစ်ကိုင်းတံတားအဝင် နှာပေါက်မှစစ်ကိုင်းဘက်အဝင်တံတားအဆင်းအထိ ဂိတ်ပေါင်း၁၀ ဂိတ်ထက်မနည်းရှိပြီး အဲဒီဂိတ်တွေက ငွေတောင်းကြမ်းတာ နာမည်အကြီးအကျယ်ပျက်လာပြီးတဲ့နောက် စစ်တပ်က ယခုလို ပိတ်သိမ်းလိုက်တာလို့ သိရပါတယ်။
ဒါပေမယ့် မန္တလေးဘက်မှာဆို ရွှေကြက်ယက်ရွာအနီးကနေ မော်တော်ယာဉ်ကြီးကြပ်ရေးဌာန(မယက)တွေက စီးဖမ်းတာရှိသလို စစ်ကိုင်းဘက်မှာဆိုရင် မြို့မရပ်ကွက်က ပျူစောထီးတွေက မြို့ထဲက လမ်းတွေမှာပိတ်ဆို့ဖမ်းဆီးတာတွေရှိသေးတယ်လို့ ဒေသခံတွေက ပြောပါတယ်။
