စစ်ကိုင်းငလျင်ဒဏ်ခံရတဲ့ မတ္တရာမြို့နယ်ကိုစစ်​ကောင်စီဗုံးကြဲ အမျိုးသမီး၁ဦး​သေ၊၃ဦးဒဏ်ရာရ

ဧပြီ-၁၀၊၂၀၂၅။ရှိန်း/People’e Spring

စစ်ကိုင်း​မြေငလျင်ဒဏ်ခံခဲ့ရတဲ့ ​ဒေသတစ်ခုဖြစ်တဲ့ မတ္တရာမြို့နယ် ထဲက ရေချောင်းဗိုလ်ကျေးရွာကို စစ်တပ်က ဒီက​နေ့မှာလေကြောင်းတိုက်ခိုက်ခဲ့တာမို့ အမျိုးသမီး၁ဦးသေဆုံးပြီး ၃ဦးထိခိုက်ဒဏ်ရာ တွေရခဲ့တယ်လို့ ပြင်ဦးလွင်ခရိုင်ပကဖသတင်းတာဝန်ခံက​ပြောပါတယ်။

ဧပြီလ ၁၀ ရက်မွန်းလွဲ ၁၁နာရီ ၄၅မိနစ်မှာ မတ္တရာမြို့နယ်အနောက် မြောက်ခြမ်းက ရေချောင်းဗိုလ် ကျေးရွာကို တံတားဦး‌ လေတပ်ကဂျက်ဖိုက်တာတစီးနဲ့ ၂ကြိမ်တိုင် ဗုံးကြဲခဲ့တာလို့သိရပါတယ်။

“တိုက်ပွဲလည်းမရှိပါဘူး။လေ ကြောင်းနဲ့ပြည်သူ တွေရှိတဲ့ နေရာကိုလာကြဲတာမို့ လူလတ်ပိုင်းအမျိုးသမီးတဦး သေဆုံးပြီး ၃ဦးဒဏ်ရာရခဲ့ပါတယ်”လို့ ပြင်ဦးလွင်ခရိုင်ပကဖသတင်းတာဝန်ခံက ပြောပါတယ်။

Public Service Announcement

ဒါ့အပြင် ဧပြီ ၁၀ ရက်ညနေပိုင်းမှာလည်း မတ္တရာမြို့အတွင်းကနေ စစ်ကောင်စီတပ်က လက်နက်ကြီးတွေနဲ့ မတ္တရာမြို့နယ်အနောက်ခြမ်းက ကျေးရွာတွေကို ပစ်ခတ် နေတယ်လို့​ဒေသခံအချို့က​ပြောပါတယ်။

မတ္တရာမြို့နယ်ဟာမတ်လ ၂၈ ရက်ကလှုပ်ခတ်ခဲ့တဲ့ စစ်ကိုင်းငလျင်ကြီး​ဒဏ်ကိုခံခဲ့ရတဲ့​ဒေသ​တွေထဲက တစ်ခုဖြစ်ပါတယ်။ ဒါ​ပေမယ့်စစ်​ကောင်စီက မတ္တရာမြို့နယ်ထဲ​ကျေးရွာ​တွေကို ငလျင်​ဘေးသင့်ခဲ့တဲ့အတွက် ဘာအကူအညီမှမ​ပေးခဲ့ဖူးလို့​ဒေသခံ​တွေက​ပြောပါတယ် ။

ငလျင်​ဘေးသင့်လို့မကူညီတဲ့အပြင် စစ်​ကောင်စီကဗုံးနဲ့ မကြာခဏ လာကြဲ​နေတယ်လို့​ဒေသခံအချို့က​ပြောပါတယ် ။