မိတ္ထီလာ​လေတပ်စခန်းအနီး မြေငလျင်လှုပ်

ဧပြီ-၁၁၊ ၂၀၂၅။​နေ့သစ်/People’s Spring

စစ်ကိုင်းငလျင်ကြီးရဲ့ နောက်ဆက်တွဲငလျင်အဖြစ် ဒီက​နေ့ (ဧပြီလ ၁၁ ရက်နေ့) နံနက် ၁၁ နာရီခန့်မှာမန္တလေးတိုင်း၊ မိတ္ထိလာ​လေတပ်စခန်းအနီး ဗဟိုပြုပြီး ပြင်းအား ၄ ဒသမ ၈ ရှိတဲ့ ​​မြေငလျင်လှုပ်ခတ်ခဲ့တယ်လို့ အ​မေရီကန် ​မြေငလျင်တိုင်းတာ​ရေးဌာန(USGS)ကထုတ်ပြန်ပါတယ်။

မိတ္ထီလာမြို့ရဲ့အ​ရှေ့၊အ​ရှေ့​မြောက်၁၄ကီလိုမီတာ(၈ မိုင်​ကျော်) ​နေရာကို မြေအနက် ၆ မိုင်​ကျော်မှာ ဗဟိုပြုပြီး လှုပ်ခတ်ခဲ့တာလို့ USGS က ထုတ်ပြန်ထားပါတယ် ။​မြေငလျင် ဗဟို ချက်ဟာ မိတ္ထီလာ​လေတပ်စခန်းပိုနီးပြီး ဗဟိုချက်နဲ့ ​လေတပ်စခန်းဟာ အမြန်ဟိုဘက် ဒီဘက်ဖြစ်​ပါတယ်။

​အမျိုးသားညီညွတ်​ရေးအစိုးရ (NUG) ၊လူသားချင်းစာနာ​ထောက်ထားမှုနဲ့ သဘာဝ​ဘေးအန္တရာယ်​​လျော့ပါး​ရေးဝန်ကြီးဌာန(MOHADM)ကလည်း ဒီမနက်၁၀ နာရီ ၅၉ မိနစ်အချိန်ခန့်မှာ သာစည်မြို့အနီး မြေအောက်အနက် ၆ မိုင်​ကျော်ကိုဗဟိုပြု၍ ရစ်ချ်တာစကေး ၅.၅ အဆင့်နဲ့ အင်အားအသင့်အတင့်ရှိတဲ့ မြေငလျင်တစ်ခုထပ်မံလှုပ်ခတ်ခဲ့တယ်လို့​ဖော်ပြထားပါတယ်။

Public Service Announcement

စစ်​ကောင်စီလက်​အောက်ခံ မိုး​လေဝသနဲ့ဇလ​ဗေဒညွန်ကြားမှုဦးစီးဌာနက​တော့ နံနက်၁၁ နာရီခန့်မှာဝမ်းတွင်းမြို့၏ အရှေ့တောင်ဘက် (၅) မိုင်ခန့်မှာအင်အား ၅.၀ ရစ်(ခ်)တာစကေး ရှိတဲ့​မြေငလျင်ဟာ​မြေအနက် ၆ မိုင်​ကျော်ကိုဗဟိုပြုလှုပ်ခတ်ခဲ့တာလို့​ဖော်ပြပါတယ်။

ထုတ်ပြန်ချက်သုံးခုဟာ​မြေငလျင်ဗဟိုချက် ​မြေအနက်တူညီ​ပေမယ့် တိုင်းတာတဲ့မြို့မတူညီတာ​ကြတာကို​တွေ့ရသလို အင်းအားမတူညီတာကိုလည်း​တွေ့ရပါတယ်။ ငလျင်ပြင်းအားမတူညီတာဟာ ငလျင်အင်အားတိုင်းတာတဲ့စက် တည်​နေရာ၊အကွာအ​​ဝေးမတူညီရင်လည်းကွာခြားချက်အနည်းငယ်ရှိတက်တယ်လို့​မြေငလျင်ပညာရှင်အချို့က​ပြောပါတယ်။

ဒီငလျင်လှုပ်တာကို မန္တ​​လေးမြို့ကလည်းခံစားသိရှိရတယ်လို့​ဒေသခံ​တွေက​ပြောပါတယ်။ ​ မတ်လ ၂၈ ရက်က ဖျက်အားပြင်းစစ်ကိုင်းငလျင်ကြီးရဲ့​နောက်ဆက်တွဲ​မြေငလျင်​တွေဟာ​ဒေသတွင်းမှာ ဆက်တိုက်လှုပ်ရှား​နေတာဖြစ်ပါတယ်။

အခု​နောက်ဆက်တွဲငလျင်​ကြောင့် လူထိခိုက်မှုပျက်စီးဆုံးရှုံးမှု ရှိ၊မရှိကို​တော့မသိရ​သေးပါဘူး။

​မြေငလျင်လှုပ်ရှားတာကို သိလိုက်ရင် ၊ထိခိုက်ပျက်စီးမှုရှိခဲ့ရင် People’s Spring ရဲ့အခုသတင်း​အောက်မှာ မှတ်ချက်ပြုတာဖြစ်​စေ ၊ မက်ဆင်ဂျာက​နေ စာပို့၍ဖြစ်​စေ ​ပြောပြနိုင်ပါတယ်။