စစ်​​ကောင်စီက မင်းတပ် မြို့မနှစ်ခြင်းဘုရား​ကျောင်းကို ဗုံးကြဲ

ဧပြီ-၁၃၊၂၀၂၅။​​ဇော်ရမ်း/ People’s Spring

စစ်​ကောင်စီက သင်္ကြန်အကြို​နေ့ ည​နေပိုင်းတွင်ချင်းပြည်နယ် ၊ မင်းတပ်မြို့ရှိ ၊မြို့မနှစ်ခြင်း ဘုရားကျောင်းကို တိုက်​လေယာဥ်ဖြင့်ဗုံးကြဲခဲ့သည်။

“မိုးတိမ်တောင်ကြီးမဟုတ်၊ မြို့မနှစ်ခြင်း ဘုရားကျောင်းလေယာဥ် နဲ့ ဗုံးကြဲတိုက်ခိုက်မှုအချိန်တွင်မြင်ရသော မီးခိုး မီးလုံးကြီးသာ ဖြစ်ပါတယ်”ဟု​ဒေသခံတဦးက ​ဧပြီ ၁၃ ရက် ည​နေ ၄ နာရီ ၅ မိနစ်အချိန် ဗုံးကြဲခံရပြီး မီးခိုးလုံးကြီး တက်လာ​သောဓါတ်ပုံနှင့်တကွ​ရေးသား​ဖေစ်ဘွခ်တွင်တင်ထားသည်။

ဗုံးကြဲခံရပြီး​နောက် ခရစ်ယာန်ဘုရား​ကျောင်းအပျက်အစီးပုံများကိုလည်း​တွေ့ရပြီးလူ​သေဆုံးထိခိုက်မှု အ​ခြေအ​နေကိုမူမသိရ​သေး​ပေ။​ဒေသခံတဦးက ​မြို့မနှစ်ခြင်းဘုရားကျောင်းတစ်ခုလုံး ပြိုကျပျက်စီးသွားသွားသည်ဟုပြောသည်။

Public Service Announcement

စစ်တပ်က ​တိုက်​လေယာဥ်ဖြင့်ပေါင် ၅၀၀ ဗုံးကြဲချခဲ့ခြင်းဖြစ်ကြောင်း​ပြောသည်။ သို့သော်လည်း မည်သည့်ဗုံးအမျိုးအစားဖြစ်သည်ကို People’s Spring ကသီးခြားအတည်မပြုနိုင်​သေးပါ။

သင်္ကြန်အကြို​နေ့ ဖြစ်​သောဧပြီ ၁၃ ရက်တွင်စစ်​ကောင်စီက မနက်ပိုင်းတွင် ရခိုင်ပြည်နယ်​ကျောင်​တော် ၊စစ်ကိုင်းတိုင်း ​၊ကောလင်းမြို့နယ်များကိုလည်း ဗုံးကြဲခဲ့ပြီး ပြည်သူ​သေဆုံးထိခိုက်မှုများရှိသည်။

စစ်ကောင်စီက ယ​​နေ့နံနက် ၉ နာရီ ၂၇ မိနစ်တွင် ရခိုင်ပြည်နယ်၊ ကျောက်တော်မြို့ကိုဗုံးကြဲခဲ့ရာနေအိမ်အများအပြားပျက်စီးပြီး ဒေသခံသုံးဦးဒဏ်ရာရခဲ့သည်။

ထို​နောက် ​နေ့ခင်း ၁၂နာရီ ၈ မိနစ်ခန့်တွင် စစ်ကိုင်းတိုင်း၊ ကောလင်းမြို့ကို ဗုံးကြဲခဲ့ရာ ဆီဆိုင်ကိုထိမှန်ခဲ့ပြီး အဆောက်အအုံနှင့်ကားအချို့ပျက်စီးကာ ဒေသခံနှစ်ဦးဒဏ်ရာရခဲ့သည်။

ထို့အပြင်ဧပြီ၉ရက်ညကလည်းမင်းတပ်မြို့နယ် ၊ တိုက်နယ်အမှတ်(၄)ကို ပေါင်၅၀၀ဗုံးကြဲချရာကလေးငယ်နှစ်ဦး၊ခရစ်ယာန်ဓမ္မဆရာတစ်ဦး၊ မသန်စွမ်းတစ်ဦး၊သက်ကြီးရွယ်အိုနှစ်ဦးစုစုပေါင်း ၆ ဦးသေဆုံးပြီး ကိုးဦးဒဏ်ရာရခဲ့သည်။

စစ်​ကောင်စီသည် စစ်ကိုင်းငလျင်ကြီးလှုပ်ခတ်ပြီး​နောက် ရက်​ပေါင်း ၂၀ အပစ်ရပ်​ကြောင်း​ကြေညာထား​သော်လည်း နိူင်ငံတစ်ဝန်း​နေစဥ်ဗုံးပတ်ကြဲ​နေသည်။

မင်းတပ်မြို့သည် CDF-မင်းတပ်အပါအဝင် ချင်းညီ​နောင်နှင့် မဟာမိတ်များကသိမ်းပိုက်ထိန်းချုပ်ထားသည်။

(စစ်​ကောင်စီက ဗုံးကြဲပြီး​နောက် မီးခိုးလုံးကြီးနှင့်မင်းတပ်မြို့မနှစ်ခြင်းဘုရား​ကျောင်း အပျက်အစီးများကို​တွေ့ရစဥ်။ ဓါတ်ပုံ-Salai Naing Hung)