စစ်​ကောင်စီက အရာ​တော်နယ်ကိုဗုံးကြဲ၊ ပြည်သူများထိခိုက်​သေဆုံးမှုရှိ

ဧပြီ-၁၆၊၂၀၂၅။ရဲခေါင်/People’s Spring

စစ်​ကောင်စီကသင်္ကြန်အတက်နေ့ ဧပြီ ၁၆ ရက် နံနက် ပိုင်းတွင်စစ်ကိုင်းတိုင်း၊ အရာတော်မြို့နယ် ကို လေကြောင်းမှဗုံးကြဲခဲ့ရာ ​ဒေသခံပြည်သူ ၁၀ ဦးထက်မနည်းထိခိုက်မှုရှိကာ နေအိမ်နှင့် အဆောက်အဦး ပျက်စီးမှုများစွာရှိခဲ့သည်။

“အရာတော်နယ်တော်တော်နိမ့်နိမ့်လေးဖြတ်ပျံသွားပါတယ်။စစ္စည်ရွာထိတာဗျ ၊အခြေနေမကောင်းဘူးတော်တော်ထိတယ်။ပြည်သူတွေတော်တော်ထိတာ။ ၄လုံးချသွားတာဂျက်ဖိုက်တာနဲ့”ဟု ​ဒေသခံတဦးကပြောသည်။

အရာတော်မြို့နယ်၏ တောင်ဘက်ခြမ်းရှိ စစ္စည်ရွာ ကို လေကြောင်းတိုက်ခိုက်မှု လေးကြိမ်ပြုလုပ်ခဲ့ခြင်း ဖြစ်ကာ အရာတော်မြို့နယ်အခြေစိုက် စစ်အခြေခံလေကျင့်ရေးတပ် အမှတ် ၁၀ (စခတ ၁၀) မှလည်း ဟောင်ဝစ်ဇာဖြင့် ပစ်ခတ်ကြောင်း အရာတော်မြို့နယ်ပြည်သူ့ကာကွယ်ရေးအဖွဲ့ကထုတ်ပြန်သည်။

Public Service Announcement

တိုက်ပွဲမရှိဘဲ စစ်​ကောင်စီတပ်က ဗုံးကြဲခဲ့ခြင်းဖြစ်ပြီး စခတ ၁၀ မှဟောင်ဝစ်ဇာများဖြင့် ယ​နေ့ မနက်ပိုင်းတွင် ​​​လေ​ကြောင်းမှ ဗုံးမကြဲခင်​ရော ၊ဗုံးကြဲပြီးတွင်ပါဆက်တိုက်ပစ်ခတ်​နေ​ကြောင်း​ဒေသခံအချို့က​ပြောသည်။

လက်ရှိကာလအရ ဆောင်းဘောက်အသံများကို ရပ် နားထားပြီး လေကြောင်းအန္တရာယ် နှင့် လက်နက်ကြီး အန္တရာယ် ဂရုစိုက်ကြရန် လည်း အရာတော်မြို့နယ်ပြည်သူ့ကာကွယ်ရေးအဖွဲ့ကသတိ​ပေးထားသည်။

စစ်ကောင်စီ၏ လေကြောင်း နှင့် လက်နက်ကြီးနှင့် တိုက်ခိုက်ခဲ့မှုနှင့် နောက်ဆက်တွဲ အခြေအနေကို အရာတော် မြို့နယ်ပြည်သူ့ကာကွယ်ရေးတပ်ထံလူထုနွေဦးက ဆက်သွယ်မေးမြန်းဆဲ ဖြစ်သည်။

ထို့အပြင် စစ်​ကောင်စီသည် ဧပြီ ၁၆ ရက်တွင်ဝက်လက်မြို့နယ် သစ်စိမ့်ကျေးရွာ မြို့နယ် ဆေးရုံ ကိုဗုံးကြဲခဲ့ရာ ပြည်သူ ၃ ဦး​သေဆုံးပြီး ၆ ဦးဒဏ်ရာရရှိခဲ့​ကြောင်း ​ဒေသခံအချို့က​ပြောသည်။

အလားတူ ယနေ့ နံနက်ပိုင်းတွင်လည်းကရင်ပြည်နယ် ကျုံးဒိုးမြို့ကို စစ်ကောင်စီသည်လေကြောင်းမှ ဗုံးကြဲခဲ့ပြီး ပြည်သူများသေဆုံးမှုရှိထားသည်။

စစ်​ကောင်စီသည် မြန်မာပြည်သူများတန်ဖိုးထားသည့် မဟာသင်္ကြန်ပွဲ​တော်ကာလမှာပင် ​ကျောက်​တော် ၊​ကောလင်း ၊သပိတ်ကျင်း၊ ကနီ၊ အင်း​တော် ၊ဗန်း​မော်၊မင်းတပ် စသဖြင့် နိုင်ငံတစ်ဝန်း ဗုံးဆက်တိုက်ကြဲ​နေခြင်းဖြစ်သည်။

(စစ်​ကောင်စီက အရာ​တော်မြို့နယ်၊စစ္စည်းရွာကိုဗုံးကြဲပြီး​နောက်အပျက်အစီးများကို​တွေ့ရစဥ်။ဓါတ်ပုံ-သက်​နောင် )