ဧပြီ-၂၄၊၂၀၂၅။ဇော်ရမ်း/People’s Spring
ဖျက်အားပြင်စစ်ကိုင်းငလျင်ကြီးကြောင့်မန္တလေးတိုင်းမှ ပဲခူးတိုင်းဖြူးမြို့နယ်အထိ မိုင် ၃၀၀ ကျော်အက်ကွဲကြောင်းများဖြစ်ပေါ်ခဲ့ရာ ရမည်းသင်း၊ ပျော်ဘွယ်မြို့တို့တွင် ဖြစ်ခဲ့သည့် မြေလွှာအက်ကွဲကြောင်းမှတ်တမ်းဓာတ်ပုံများကို TSBM – The Spirit of Brotherhood Missionကယနေ့ထုတ်ပြန်သည်။
ငလျင်ကြောင့်မန္တလေးတိုင်း၊စဉ့်ကူးမြို့နယ်မှ ပဲခူးတိုင်း ဖြူးမြို့နယ်အထိ ကီလိုမီတာ ၅၀၀ ကျော်(မိုင် ၃၀၀ ကျော်) ရှည်သည့်အက်ကွဲကြောင်းကြီးဖြစ်ခဲ့ပြီး အရပ်ဖက်အဖွဲ့ဖြစ်သည့် TSBMကအက်ကွဲကြောင်းတစ်လျှောက်မြေပြင်ကွင်းဆင်းပြီးမှတ်တမ်းရယူနေခြင်းဖြစ်သည်။
“ကျနော်တို့ အဖွဲ့အနေနဲ့ဒီအက်ကွဲကြောင်းကြီး အနောက် လိုက်ရင်း ပူပြင်းတဲ့ နွေရာသီကို အံတုပြီး … ကျနော်တို့ နိုင်ငံအတွက် သမိုင်းမှတ်တမ်းတစ်ခု အဖြစ်နဲ့ ကျန်ရစ်နိုင်အောင် ကြိုးစားပြီး မှတ်တမ်း ယူနေကြတာဖြစ်ပါတယ်။လက်ရှိတိုင်းပြည်ရဲ့ အခြေအနေတွေ ကြားမှာ … ကျနော်တို့ အနေနဲ့ အခုလို သွားလာပြီး မှတ်တမ်းရယူ နေရတာလဲကျနော့်တို့အတွက် ကြီးမားတဲ့ စိန်ခေါ်မှု တစ်ခု အနေနဲ့ ရှိနေပါတယ်”ဟုTSBM အဖွဲ့ကအသိပေးထားသည်။
Public Service Announcement
ဧပြီ၂၄ရက်နေ့ ထုတ်ပြန်မှုသည် မန္တလေးတိုင်းမှရမည်းသင်း၊ ရွှေဒါး၊ ပျော်ဘွယ် မြို့များကိုဖြတ်သွားသည့်အက်ကွဲကြောင်းများအားဖော်ပြထားသည်။
အဆိုပါငလျင်တွေကြောင့် ဖြစ်ပေါ်သည့် မြေပြင်အက်ကြောင်းသည်အရှည်၅၅၀ကီလိုမီတာ (၃၄၂) မိုင်)အထိ ရှိပြီးမှတ်တမ်းတင်နိုင်သမျှမြေပြင်အက်ကြောင်းများထဲတွင် အရှည်ဆုံးဟုအမေရိကန် အာကာသအေဂျင်စီ (NASA) ကထုတ်ပြန်ထားသည်။စစ်ကိုင်းပြတ်ရွေ့ကြောတလျှောက်တွင်မြေရွဲ့စောင်းမှုများလည်းရှိပြီးတချို့နေရာများတွင်၃ မီတာ(၁၀ ပေကျော်) မှ ၆ မီတာကျော်အထိမြေရွဲ့စောင်းသွားသည်ဟု NASAကထုတ်ပြန်သည်။
