မေ-၁၊၂၀၂၅။ရှိန်း/People’s Spring
စစ်ကိုင်းတိုင်း၊ဝက်လက်မြို့နယ်၊ရှိမ်းမကားကျေးရွာရဲစခန်းမှာတပ်စွဲထားတဲ့ စစ်ကောင်စီတပ်က ခရိုင်ချင်းဆက်လမ်းပေါ်ထွက်ပြီး ပြည်သူတွေကို သေနတ်နဲ့ပစ်ခတ်ဖမ်းဆီးခဲ့တာကြောင့် ပြည်သူ ၂ နှစ်ဦးသေနတ်ထိမှန်ဒဏ်ရာရခဲ့ပြီး ၁၀ဦးထက်မနည်းဖမ်းဆီးခံထားရတယ်လို့ ဒေသခံ တွေဆီကသိရပါတယ်။
ဧပြီလ၃၀ရက် ၊နေ့လည်၁၂နာရီ လောက်မှာ ရှိမ်းမကားကျေးရွာရဲစခန်းမှာတပ်စွဲထားတဲ့ စစ်သားနဲ့ရဲတွေက အနောက်ဘက်တစ်မိုင်လောက်ကွာတဲ့ ခရိုင်ချင်းဆက်လမ်း(ဗျူဟာလမ်း)ပေါ်ကို ထွက်လာပြီး သွားလာ နေတဲ့ပြည်သူတွေကို သေနတ်ပစ်ဖမ်းဆီးခဲ့တာလို့သိရပါတယ်။
အသက်၁၀နှစ်အရွယ်ကလေး တွေအပါအဝင် ဖိုးဝင်းတပ်၊ရုံးပင်ကုန်း နဲ့ မင်းကုန်းလေး ကျေးရွာကပြည်သူ ၁၀ဦးထပ်မနည်းဖမ်းဆီးခံခဲ့ရတယ်လို့ ဒေသခံတဦးက ပြောပါတယ်။အဲဒီကျေးရွာတွေဟာ ရှိမ်းမကားကျေးရွာရဲ့ အနောက်ဘက်က ကားလမ်းအနီးမှာရှိတာပါ။
Public Service Announcement
ဒါ့အပြင် လမ်းပေါ်သွားလာနေတဲ့အမျိုးသားနှစ်ဦးကိုလည်း သေနတ်နဲ့ပစ်ခတ်ဖမ်းဆီးခဲ့တာကြောင့် အမျိုးသားတဦးမှာဆီးခုံဒဏ်ရာရခဲ့သလို ၊ကျန် နတဦးဟာရင်ဘတ်ကျည်ထိမှန်ဒဏ်ရာ တွေနဲ့ထွက် ပြေးလွတ် မြောက်လာတယ်လို့သိရပါတယ်။
“ တိုက်ပွဲတော့မရှိဘူးဗျ။အလစ်အငိုက်ဝင်ဖမ်းတာ။ရိက္ခာပျက်လို့ဖမ်းပြီးပြန်လဲခိုင်းမယ်ထင်တယ်” လို့ဒေသခံတဦးကပြောပါတယ်။
မေလ ၁ ရက်နေ့အထိဖမ်းဆီးခံရသူ တွေကိုပြန်လွှတ် ပေးခြင်းမရှိသေးဘဲ ရှိမ်းမကားရဲစခန်းထဲမှာပဲရှိနေသေးတယ်လို့သိရပါတယ်။
လက်ရှိမှာ ရှိမ်းမကားရွာရဲ့ တောင်ဘက်က ကျေးရွာတွေဘက်ကို စစ်တပ်ကလေ ကြောင်းတိုက်ခိုက်တာတွေရှိနေပြီး စစ်ကိုင်းမြို့နယ်ထဲမှာတော့ တိုက်ပွဲတချို့ရှိကာ နယ်မြေအခြေအနေ ရှုပ် ထွေးနေတယ်လို့သိရပါတယ်။
ပြီးခဲ့တဲ့ ဧပြီလ၁၈ရက်နေ့ ကလည်းရှိမ်းမကားရဲစခန်းက စစ်ကောင်စီတပ် တွေက ဧရာဝတီမြစ်အတွင်းသွားလာ နေတဲ့ သံခွန် တစီးကို သေနတ်ပစ်ပြီး ခေါ်ဆောင်ရာမှာ သံခွန်ဘေးက မောင်းလာတဲ့ မော်တော်ကိုမှန်ပြီး အမျိုးသားတဦးသေဆုံးကာ တဦးထိခိုက်ဒဏ်ရာရခဲ့ပါ သေးတယ်။
စစ်ကောင်စီတပ်ဟာ ပြည်သူတွေကိုဖမ်းဆီးပြီး ငွေညှစ်တက်သလို ၊ စစ်ကြောင်းထိုးရင် လမ်းပြခိုင်းတာ ၊တိုက်ပွဲဖြစ်လာရင် လူသားဒိုင်းအဖြစ်အသုံးချလေ့ရှိတယ်လို့ စစ်ကိုင်းတိုင်းကဒေသခံတွေကပြောပါတယ် ။
