ဇွန်-၃၊People’s Spring ရဲခေါင်/People’s Spring
ရှမ်းပြည်တောင်ပိုင်း၊ညောင်ရွှေမြို့နယ် ၊ဘုရားတောင် နှင့် ရေပူကျေးရွာတို့ကို စစ်ကောင်စီတပ်နှင့် PNO/PNA ပြည်သူ့စစ် အင်အား တစ်ထောင်ခန့်ဖြင့် စစ်ကြောင်းထိုးလာ၍ ကာကွယ်ရေးတပ်များ ဆုတ်ခွာပေးလိုက်ရသည်။
ညောင်ရွှေမြို့နယ်၏တောင်ဘက်ခြမ်းတွင်ရှိသည့် ဘုရားတောင် နှင့်ရေပူကျေးရွာတို့ကို ဇွန်လ ၂ ရက် နေ့ နံနက်ပိုင်းက စစ်ကောင်စီနှင့် PNO တို့က စစ်ကြောင်း ထိုးလာခြင်းဖြစ်သည်။
ထိုစစ်ကြောင်းနှင့်ထိတွေ့တိုက်ပွဲဖြစ်ပွားခဲ့ပြီး အင် အားခြင်းမမျှ၍ ရေပူကျေးရွာမှ ညနေပိုင်းတွင်အထိအခိုက်မရှိဆုတ်ခွာခဲ့ကြောင်းအမှတ်(၁၀၀၉)တပ် ရင်း အင်းလေးပြည်သူ့ကာကွယ်ရေးတပ် IPDF က အသိပေးသည်။
Public Service Announcement
စစ်ကောင်စီနှင့် PNA တပ်သားများသည်ရေပူနှင့် ဘုရားတောင်ကျေးရွာအတွင်းသို့ ဝင်ရောက်ပြီးနောက် ရေပူကျေးရွာမြောက်ဘက်ခြမ်း နှင့် ဘုရားတောင်ကျေးရွာရှိ နေအိမ်များကို မီးရှို့ခဲ့ကြောင်းဖော်ပြသည်။
“စစ်ရေးအရသူနိုင်ကိုယ်နိုင်ကသဘာဝကျပါတယ်။ဒါပေမယ့် ပြည်သူ့အိမ်မီးရှို့တာက ကျွန်
တော်တို့ ရှို့တယ်လို့ ပြည်သူတွေကို လိမ်ပြောချင်ရုံသက်သက်ပဲ။သူတို့ထင်သလို ပြည်သူတွေက မအ ပါဘူး” IPDF ၏ ပြောရေးဆိုခွင့်ရှိသူ ကိုအင်သွေးနီက ပြောသည်။
စစ်ကောင်စီတပ်နှင့် PNA တပ်တို့ငပြည်သူ့နေအိမ်မီးရှို့သောလုပ်ရပ်များကိုပြင်းထန်စွာရှုံ့ချကြောင်းလည်း ၎င်းက ဆိုသည်။
ညောင်ရွှေမြို့နယ်၊ဘုရားတောင်ကျေးရွာမှ နေအိမ်များကို PDF များကမီးရှို့ဖျက်ဆီး၍ ဆုတ်ခွာထွက် ပြေးကြောင်း စစ်ကောင်စီ၏ ဝါဒဖြန့်မီဒီယာများမှတဆင့် စွပ်စွဲထားသည်။
“မနှစ်က ဒီဇင်ဘာလကတည်းကရေပူဘက်ကို PNO ကတိုက်ပွဲဖော်လာတယ်။အဲဒီကာလကနေ တောက် လျှောက်စစ်ထိုးလိုက်ပြန်ဆုတ်လိုက်လုပ်တာ ငါးကြိမ်ထက်မနည်းဘူး။PNO ဘက်က သေတာတွေ ဖမ်းမိတာတွေလည်း မနည်းဘူး။အခုက အင်အားတော်တော်သုံးပြီးတက်လာလို့ဆုတ်လိုက်ရတာလို့ကြားတယ်” ဟု ရှမ်းတောင် စစ်ရေးသတင်းရင်းမြစ်က လူထုနွေဦးသို့ ရှင်းပြသည်။
တော်လှန်ရေးအင်အားစုများ ထိန်းချုပ်ထားသည့်အင်းလေးဒေသ အောက်ဘက်ခြမ်းကို ပြန်လည်ထိန်းချုပ်လို့သည့်စစ်ကောင်စီအတွက် PNO ပြည် သူ့စစ်က အသုံးချခံနေခြင်းဟု၎င်းအမြင်ကို ဆက်ပြောသည်။
ရေပူကျေးရွာအနီးတစ်ဝိုက် ယခင် တိုက်ပွဲမှတ်တမ်းများအရ အင်းလေးပြည်သူ့ကာကွယ်ရေးတပ် IPDF အမှတ် ၁၀၀၉တပ်ရင်း၊ ပျားစစ်ကြောင်း ၊ ဖယ်ခုံမြို့ နယ်ပြည်သူ့ကာကွယ်ရေးတပ်ရင်း-၂ PK- PDF-2 အမှတ် ၁၀၀၆ တပ်ရင်းနှင့်အလယ်ပိုင်းတိုင်းအထူးစစ်ဆင်ရေးတပ်ဖွဲ့ တို့သည် စစ်ကောင်စီနှင့် PNO ပြည်သူ့စစ်တို့ကိုခုခံဖူးသည်။
