ဇူလိုင် ၄၊၂၀၂၅။ သုည/People’s Spring
စစ်ကိုင်းတိုင်းအတွင်းသပိတ်အဖွဲ့တွေ၊ဒေသခံပြည်သူတွေက ဒီကနေ့ (ဇူလိုင် ၄)မှာ ဆဲဗင်းဇူလိုင်အကြိုစစ်အာဏာရှင်ဆန့်ကျင်ရေးဆန္ဒပြခဲ့ကြပါတယ်။
ကလေးမြို့နယ်မှာ လူထုတိုက်ပွဲဦးဆောင်ကော်မတီက ပြည်သူ့ပညာရေးသပိတ်စစ်ကြောင်းနဲ့အတူ ဆဲဗင်းဇူလိုင်အကြို အလံမလိပ် အသံမတိတ် လူထုလှုပ်ရှားမှု တရပ်ကို ပြုလုပ်ခဲ့ကြပါတယ်။
စစ်ကိုင်းတိုင်းအတွင်းရှိ ကိုယ်ထူကိုယ်ထ ကျောင်းတစ်ခုမှာ အခြေခံပညာ ပညာရေးလုပ်သားသမဂ္ဂများအဖွဲ့ချုပ် (FBEWU)ရဲ့ တိုက်ပွဲဦးဆောင်ကော်မတီဝင်တချို့က စစ်အာဏာရှင်ဆန့်ကျင်ရေး တော်လှန်ရေးသမိုင်းမှာ အဓိကကျတဲ့ ၁၉၆၂ ခုနှစ် 7 July ကျောင်းသားအရေးတော်ပုံ ၆၃ နှစ်
Public Service Announcement
မြောက်အကြို အထိမ်းအမှတ်အခမ်းအနား ပြုလုပ်ခဲ့ပါတယ်။အခမ်းအနားမှာ 7 July နဲ့ပတ်သက်၍ ဟောပြောခြင်း၊ သမိုင်းမှတ်တမ်း Video တွေ ပြသခြင်းတို့ကို ပြုလုပ်ခဲ့ပါတယ်။
ယင်းမာပင်မြို့နယ်မြောက်ခြမ်းမှာလည်း ဒေသခံပြည်သူလူထုနဲ့ ပြည်သူ့အားမာန်သပိတ်မှ ရဲဘော်တွေပူးပေါင်းကာ”ပြည်သူ့အရေးတော်ပုံမုချအောင်ရမည်” ၊”ဖယ်ဒရယ်ဒီမိုကရေစီအရေးတော်ပုံ မုချအောင်ရမည်” ကြွေးကြော်သံတွေနဲ့ စစ်အာဏာရှင်စနစ်ကို အလိုမရှိကြောင်း ဆန္ဒပြခဲ့ပါတယ်။
ဓာတ်ပုံ – စစ်ကိုင်းဒေသသပိတ်အင်အားစု၊ ရွာပေါင်းစုံသပိတ်၊ FBEWU ၊ကလေးမြို့နယ်မှာ လူထုတိုက်ပွဲဦးဆောင်ကော်မတီ
