ဇူလိုင်-၉၊၂၀၂၅။ရဲခေါင်/People’s Spring
ချင်းတွင်းမြစ်ကြောင်းအတိုင်းဆန်တက်လာတဲ့ စစ်ကောင်စီ ရေယာဥ်တွေကို တိုက်ခိုက်ခဲ့တာ သင်္ဘော တစ်စီး မီးလောင်ပြီး တစ်စီးပျက်စီးတယ်လို့ တိုက်ခိုက်မှုမှာပါဝင်တဲ့ Monywa Inventor အဖွဲ့က ဒီကနေ့(ဇူလိုင် ၉ ရက်)ထုတ်ပြန်ပါတယ်။
မနေ့က(ဇူလိုင် ၈ ရက်)နေ့လယ် ၁ နာရီဝန်းကျင်မှာ စစ်ကိုင်းတိုင်း၊ဆားလင်းကြီးမြို့နယ်ထဲမှာကြိုတင် စောင့်ဆိုင်းတိုက်ခိုက်ခဲ့တာလို့ ဆိုပါတယ်။
စစ်ကောင်စီရေယာဥ်အုပ်မှာစစ်သင်္ဘောတွေအပြင် အခြား ရေယာဥ်တွေအများစုပါပြီပျက်စီးသွားတဲ့ ရေယာဥ်ကို မြစ်ကမ်းဘေး ရပ်ခဲ့ရတယ်လို့ အသိ ပေးပါတယ်။
Public Service Announcement
လက်နက်ကြီး၊ လက်နတ်ငယ်တွေ နဲ့ တိုက်ခိုက်ခဲ့တာဖြစ်ပြီး စစ်တပ်ဘက်က ထိခိုက်သေဆုံးမှုရှိပေမယ့်အတိအကျမသိရသေးဘူးလို့လည်းMonywa Inventor အဖွဲ့တာဝန်ရှိသူက ပြောပါတယ်။
တိုက်ခိုက်မှုကိုဆားလင်းကြီးမြို့နယ်လက်ရုံးတပ် Monywa inventorနဲ့အတူ ချင်းတွင်းဒိုင်းနမိုက် ၊ Solo Aung Gyi ၊ Salingyi ၊ တောင်ပံနီအထူးပြောက်ကျားတပ်ဖွဲ့ ၊ Salingyi ၊ 5/ကွန်မန်ဒိုဖို့ မုံရွာခရိုင်တပ်ရင်း (၄)တပ်ခွဲ(၂) ၊Goeldden Eagle မုံရွာခရိုင်နဲ့တိုက်နယ်B4 အဖွဲ့တို့ကပူးပေါင်းခဲ့တယ်လို့ ထုတ်ပြန်မှာဖော်ပြပါတယ်။
မန္တလေးကနေ ချင်းတွင်းမြစ်အကြောင်းအတိုင်း အထက်ကို ဆန်တက်လာတဲ့ စစ်ကောင်စီသင်္ဘော ၃၃ စီးမှာစစ်ရေယာဥ်လေးစီး၊Speed Boards ငါးစီးနဲ့ တွဲတွန်းဖလပ် ၂၄ စီး ပါတယ်လို့ဒေသခံစစ်ရေး သတင်းရင်းမြစ်တွေက လူထုနွေဦးကို အ တည်ပြုပါတယ်။
မိုးရာသီကြောင့် မြစ်ကြောင်းရေတက်ချိန်ကိုအားပြုဆန်တက်လာတဲ့ စစ်အုပ်စုရေယာဥ်တွေပေါ်မှာ စစ်ဘက်ဆိုင်ရာ ပစ္စည်း တွေနဲ့ ရိက္ခာ ပစ္စည်းတွေ အများစုပါတယ်လို့သူတို့ကယူဆပါတယ်။ဘယ်ဒေသကို ပို့မယ်ဆိုတာတော့ မသိရသေးပါဘူးလို့ ဆိုပါတယ်။
စစ်ရေယာဥ်တွေပေါ်ကနေ လက်နက်ကြီးနဲ့ပစ်ခတ်တာတွေကြောင့် ဆားလင်းကြီးမြို့နယ် ရွှေကုန်းရွာကပြည်သူနှစ်ဦး ဒဏ်ရာရခဲ့ပါတယ်။
အဲဒီစစ်ရေယာဥ်အုပ်တွေက မနေ့ကညပိုင်းမှာ မုံရွာကို ရောက်ခဲ့ပြီး အထက်ကို ထပ်ပြီးဆန်တက်လိမ့်မယ်လို့လည်း ချင်းတွင်းမြစ်ကမ်းဘေးကျေးရွာများသပိတ်စစ်ကြောင်း တာဝန်ရှိသူ ကိုအောင်ခန့်ဇော်က အတည်ပြုပါတယ်။
မိုင် ၇၅၀ ဝန်းကျင်ရှည်တဲ့ ချင်းတွင်းမြစ်ကြောင်းပေါ်ရှိ မုံရွာမြို့ကနေ အထက်ကိုဆန်တက်ပါက က လေး၊မင်းကင်း၊ ကလေးဝ၊မော်လိုက်၊ဟုမ္မလင်း၊ထမံသီ၊ခန္တီး မြို့နယ်တို့ရှိပါတယ်။
https://www.facebook.com/LuduNwayOo/videos/715776428005177
(စစ်တပ်ရေယာဥ်တွေကို တော်လှန်ရေးအဖွဲ့တွေက တိုက်ခိုက်နေစဥ်။ရုပ်သံ-Monywa Inventor)
