ဇူလိုင်-၂၀၊ ၂၀၂၅။မေရီ၊မေ/People’s Spring
ဧရာဝတီမြစ်အတိုင်းဆန်တက်လာတဲ့ စစ်ကောင်စီရဲ့စစ်သင်္ဘောတွေကို မန္တလေးတိုင်း၊ မြို့နယ် ၃ မြို့နယ်မှာ ဖြတ်တောက်တိုက်ခိုက်ခဲ့ရာမှာ လက်နက်ခဲယမ်းနဲ့ရိက္ခာတင် သင်္ဘောတစ်စီးနစ်မြုပ်ပြီး ၃ စီး မီးလောင်ပျက်စီးခဲ့တယ်လို့ ပြည်သူ့ကာကွယ်ရေးတပ်မတော် (မန္တလေး)က အတည်ပြုသတင်းထုတ်ပြန်လိုက်ပါတယ်။
ဇူလိုင် (၁၇)ရက်နေ့က မန္တလေးမြို့ ဂေါဝန်ဆိပ်ကမ်းကနေ စတင်ပြီး ဧရာဝတီမြစ်ကြောင်းအတိုင်း ဆန်တက်လာတဲ့ စစ်ကောင်စီရဲ့ စစ်သင်္ဘော(၅)စီးပါ စုစုပေါင်းသင်္ဘော(၁၄)စီးကို ပြည်သူ့ကာကွယ်ရေးတပ်မတော် (မန္တလေး)ကနေ မတ္တရာမြို့နယ်၊ စဉ့်ကူးမြို့နယ်နဲ့ သပိတ်ကျင်းမြို့နယ်တွေတလျှောက် ဖြတ်တောက်ပိတ်ဆို့တိုက်ခိုက်ခဲ့တယ်လို့ မန္တလေး PDFကဒီကနေ့မှာ ထုတ်ပြန်ပါတယ်။
မြစ်ကြောင်းတစ်လျှောက်တိုက်ခိုက်မှုကြောင့် စစ်ကောင်စီရဲ့လက်နက်ခဲယမ်းနဲ့ရိက္ခာတွေတင်ဆောင်ထားတဲ့ တွဲတွန်းသင်္ဘော(၁)စီး နစ်မြှုပ်သွားခဲ့ပြီး စစ်သင်္ဘော(၁)စီးနဲ့ တခြာတွန်းသင်္ဘော(၂)စီးဟာ မီးလောင်ပျက်စီးမှုများပြားခဲ့တယ်လို့ မန္တလေး PDFက သတင်းဓါတ်ပုံနဲ့တကွအသိပေးပါတယ်။
Public Service Announcement
စစ်ကောင်စီတပ်ဟာ စစ်သင်္ဘောအုပ် အထက်သို့ဆန်တက်ရာမှာ မြစ်ကြောင်းတလျှောက် Y-12 လေယာဉ်များနဲ့ ထပ်ကြပ်မကွာ ဗုံးကြဲစောင့်ရှောက်ပေးခဲ့ပြီး ဂျက်ဖိုက်တာ ၊ Mi-35 များနဲ့ အကြိမ်ကြိမ်ဗုံးကြဲနေတဲ့ကြားကနေ တိုက်ခိုက်နိုင်ခဲ့တာဖြစ်ကြောင်း ပြည်သူ့ကာကွယ်ရေးတပ်မတော် (မန္တလေး)ကဖော်ပြပါတယ်။
“ဒီမီးလောင် ပျက်စီးသွားတဲ့ သင်္ဘောတွေကို စစ်ကောင်စီဘက် တခြားသင်္ဘောတွေကဘေးနှစ်ဖက်ကနှစ်စီးကနေတွဲပြီးတော့ မရမရဆန်တက်သွားတာတော့ရှိတယ်။သို့ပေမယ့် တော်တော်လေး အထိနာခဲ့တယ်လို့ ပြောရင်ရပါတယ်”လို့ မန္တလေးPDFပြောရေးဆိုခွင့်ရှိသူ ကိုအော်စမွန်ကပြောပါတယ်။
ဒီသင်္ဘောအုပ်စုတွေဟာ ရည်ရွယ်ချက်ကို အကောင်းပကတိအတိုင်း ရောက်ဖို့တော့ အထိနာသွားပြီးဖြစ်တဲ့အတွက်မလွယ်ကူတော့ဘူးလို့ ကိုအော်စမွန်ကသုံးသပ်ပါတယ် ။
စဉ့်ကူးမြို့နယ်ဒေသခံတဦး ကလည်း”မြစ်ကြောင်းကျဉ်းတဲ့ နေရာမှာ အတိုက်ခံရတာ။အောက်ပိုင်းကကျ ရေတက်ချိန် မြစ်ပြင်ကျယ်နေ သေး တော့တိုက်မရတာဖြစ်မယ်။စစ်တပ်က တော်တော်အထိနာတယ်”လို့ ပြောပါတယ်။
စစ်ကောင်စီရဲ့ စစ်သင်္ဘောတွေကို တိုက်ခိုက်နေစဥ်။ ဓာတ်ပုံ-ပြည်သူ့ကာကွယ်ရေးတပ်မတော် (မန္တလေး) စစ်ကောင်စီရဲ့ စစ်သင်္ဘောတွေကို တိုက်ခိုက်နေစဥ်။ ဓာတ်ပုံ-ပြည်သူ့ကာကွယ်ရေးတပ်မတော် (မန္တလေး) စစ်ကောင်စီရဲ့ စစ်သင်္ဘောတွေကို တိုက်ခိုက်နေစဥ်။ ဓာတ်ပုံ-ပြည်သူ့ကာကွယ်ရေးတပ်မတော် (မန္တလေး) စစ်ကောင်စီရဲ့ စစ်သင်္ဘောတွေကို တိုက်ခိုက်နေစဥ်။ ဓာတ်ပုံ-ပြည်သူ့ကာကွယ်ရေးတပ်မတော် (မန္တလေး) စစ်ကောင်စီရဲ့ စစ်သင်္ဘောတွေကို တိုက်ခိုက်နေစဥ်။ ဓာတ်ပုံ-ပြည်သူ့ကာကွယ်ရေးတပ်မတော် (မန္တလေး) စစ်ကောင်စီရဲ့ စစ်သင်္ဘောတွေကို တိုက်ခိုက်နေစဥ်။ ဓာတ်ပုံ-ပြည်သူ့ကာကွယ်ရေးတပ်မတော် (မန္တလေး)
တိုက်ခိုက်ခံရပြီးတဲ့နောက် စစ်ရေယာဥ်တွေဟာ မူလက ကမ်းကပ်နားမယ့်အစီစဉ်ရှိပေမယ့် ကမ်းမကပ်တော့ပဲည၁၀နာရီခွဲလောက်မှာမလယ်ရွာအနီးကမြစ်လယ်မှာ ကျောက်ချရပ်နားခဲ့တာလို့ သိရပါတယ်။အဲဒီနောက် ဒီမနက်မှာ ပြန်လည်ဆန်တက်နေပြီး ထီးချိုင့်မြို့နယ်က ပြည်သူ တွေ စတင်စစ်ဘေး ရှောင် နေပြီလို့လည်းဒေသခံအချို့ကပြောပါတယ်။
စစ်ကောင်စီတပ်ရဲ့ လေကြောင်းကနေ ဗုံးကြဲတိုက်ခိုက်မှုကြောင့် စစ်ကိုင်းတိုင်း၊ ဝက်လက်မြို့နယ်၊ ဧရာဝတီမြစ်အနောက်ခြမ်း ကျေးရွာတွေက ပြည်သူ ၂၀ နီးပါး သေဆုံးခဲ့ကြောင်း ဒေသခံတွေက ပြောပါတယ်။
မန္တလေးတိုင်းအနောက်ခြမ်းမှာ တိုက်ပွဲတွေဖြစ်ခဲ့သလို မတ္တရာနဲ့နယ်နမိတ်ချင်းထိဆက်နေတဲ့ မန္တလေးမြို့၊ ပုသိမ်ကြီးမြို့နယ်ထဲက စစ်ကောင်စီစခန်းတွေကိုလည်း ကာကွယ်ရေးအဖွဲ့တွေက ဇူလိုင် ၂၀ ရက်နေ့မှာဝင်ရောက်တိုက်ခိုက်နေပါတယ်။
