မန္တလေး မန်းမြို့စျေးအနီးက ရွှေဆိုင် ဓားမြတိုက်ခံရ

ဇူလိုင်-၂၄၊၂၀၂၅။ဆိုင်းမင်း၊​မေ/People’s Spring

ဒီနေ့ ဇူလိုင် ၂၄ ရက် ညနေပိုင်းက မန္တလေးမြို့ ၊မဟာအောင်မြေမြို့နယ်၊ မန်းမြို့စျေးအနီးရှိ ရွှေနန်းသုခရွှေဆိုင် ဓားမြတိုက်ခံလိုက်ရတယ်လို့သိရပါတယ်။

မန်းမြို့စျေးအနီး ၈၅လမ်းနဲ့ ၃၉လမ်းထောင့်ရှိ ​ရွှေနန်းသုခရွှေဆိုင်ညနေ ၄နာရီခန့်ကဓားပြတိုက်ခံရတာလို့ မြို့ခံအချို့ကပြောပါတယ်။

ရွှေဆိုင်ကို Honda Fit အမျိုးအစားအိမ် ကားနဲ့ ရောက်လာတဲ့ လူ၆ဦး ကဓားပြတိုက်သွားတာဖြစ်ပြီး ပစ်ခတ်မှုဖြစ်ပွားခဲ့တယ်လို့ ကနဦးသိထားရပါတယ်။

Public Service Announcement

“ဓားနဲ့အထိုးခံရတာ ဝန်ထမ်း သုံးယောက်ထိတယ်လို့ သိရပါတယ်၊စစ်ကား ရောက်လာပြီး အပြန်အလှန်ပစ်တယ်လို့ကြားတာပဲ၊ သေနတ် သံ၁၀ ချက်ကျော်လောက်ကြားတယ်”လို့မြို့ခံတဦး ကပြောပါတယ်။

မန်းမြို့​ဈေးအနီးရှိနေသူတဦးကလည်း “သေနတ်သံတွေကြားလိုက်ရတယ်၊ အချက်ရေများတယ်”လို့ပြောပါတယ်။

ဓါးမြတိုက်ခံရတဲ့ ရွှေဆိုင်က အမျိုးသား၂ ဦး စိုးရိမ်ရဒဏ်ရာရပြီး အမျိုး သမီး ၁ ဦးလည်း ဓားဒဏ်ရာရရှိထားတယ်လို့ သိရပါတယ်။

ဓားမြတိုက်သွားတဲ့ ရွှေချိန်ပမာဏကိုတော့ မသိရသေးပါဘူး။

အခုလို ဓားမြတိုက်ခံရတဲ့ ရွှေဆိုင်တည်ရှိရာနေရာဟာ လူစည်ကားပြီး ရွှေဆိုင်တွေအများအပြားဖွင့်လှစ်ထားတဲ့နေရာလည်းဖြစ်ပါတယ်။

ပြီးခဲ့တဲ့ နှစ် မေလ၃၁ရက်ကလည်း မန်းမြို့မစျေးအတွင်းဖွင့်လှစ်ထားတဲ့ ဆယ်သန်းရွှေဆိုင် ဒုတိယအကြိမ် ဓားပြတိုက်ခံရပြီး ရွှေ ၄ ပိဿာကျော် ပါသွားပါတယ်။

စစ်ကောင်စီက ပျူစောထီးတွေ ဖွဲ့စည်းပြီးနောက်ပိုင်း မန္တလေးမြို့မှာ လက်နက်ကိုင် လုယက်ဓားပြတိုက်မှု တွေဆက်တိုက်ဖြစ်နေပြီး အမှုအများစုက ဒီနေ့အထိ မပေါ် ပေါက်ခဲ့ဘူးလို့ သိရပါတယ်။