ဇူလိုင်-၃၁၊၂၀၂၅။နေ့သစ်/People’s Spring
မန္တလေးတိုင်းစစ်ဌာနချုပ်အောက်ရှိကာကွယ်ရေးတပ်ရင်းတပ်ဖွဲများအတွက်လိုအပ်သည့်ကာကွယ်ရေးပစ္စည်းများ ထောက်ပံ့ရန် ရည်ရွယ်ထားသည့် Road to Mandalay ထိုးစစ်ထောက်ပိုမန်းတိုင်းသို့ ကမ်ပိန်းတွင် ပါဝင်ပူးပေါင်းပေးရန် အမျိုးသားညီညွတ်ရေးအစိုးရ(NUG)၊ကာကွယ်ရေးဝန်ကြီးဌာနကယနေ့ နှိုးဆော်သည်။
“ထိုးစစ်ပြင်ဖို့ ကျည်ကာဆင် တို့မန်းတိုင်းတခွင်” ဟူသောရည်ရွယ်ချက်ဖြင့်မန္တလေးတိုင်းစစ်ဌာနချုပ်အောက်ရှိ ကာကွယ်ရေးတပ်ရင်းတပ်ဖွဲ့များအတွက် လိုအပ်သည့် ကာကွယ်ရေးပစ္စည်းများ ထောက်ပံ့ရန် ရည်ရွယ်ထားတာဖြစ်ပါတယ်။” ဟု ကာကွယ်ရေးဝန်ကြီးဌာနကအသိပေးထားသည်။
တော်လှန်ရေးကို အစဉ်တစိုက်ပါဝင်သူများနှင့် လေ့လာသူများအနေဖြင့် ပြည်သူ့ကာကွယ်ရေးတပ်မတော်သားများကို မိမိရင်သွေးကဲ့သို မှတ်ယူပြီးလိုအပ်သည့်ကာကွယ်ရေးပစ္စည်းများ ထောက်ပံ့ပေးခြင်းဖြင့် တော်လှန်ရေးအောင်မြင်ရေးအတွက် Forward Myanmar ၏ Road to Mandalay ကမ်ပိန်းမှတဆင့် တဖက်တလမ်းမှ ပူးပေါင်းပါဝင်ပေးကြရန် နှိုးဆော်ထားသည်။
Public Service Announcement
RoadToMandalay ကမ်ပိန်းကို ဇူလိုင် နောက်ဆုံးပတ်တွင် စတင်ဖော်ဆောင်ခဲ့ခြင်းဖြစ်ပြီးကာကွယ်ရေးရဲဘော်များကိုကျည်ကာဦးထုပ်နှင့်ကျည်ကာဝတ်စုံများ တပ်ဆင်ပေးသွားမည်ဟု အသိပေးထားသည်။
ကျည်ကာဦးထုပ် တစ်လုံး ၅ သိန်း၊ ကျည်ကာဝတ်စုံ တစ်စုံ၁၀ သိန်း ဖြစ်၍တစုံ ၁၅သိန်းကျပ်ကျသင့်မည်ဖြစ်ပြီး တဦးချင်းဖြစ်စေ စုပေါင်း၍ ဖြစ်စေ နည်းများမဆို နိုင်သလောက်ကူနိုင်ကြောင်း Forward Myanmarက ကြေညာထားသည်။
“အဝေးက ပစ်မယ့်ပွဲ မဟုတ်တဲ့ အနီးကပ်ပစ်မယ့်ပွဲတွေ ၊ပြောက်ကျားစနစ်နဲ့ ကြိတ်မယ့်ပွဲမဟုတ်တဲ့ သူတင်ကိုယ်တင်ကြိတ်မယ့်ပွဲတွေ၊ပြည်သူ့တော်လှန်စစ်ရဲ့ဗျူဟာအခင်းအကျင်းနဲ့ ဗျင်းမယ့်ပွဲတွေ ဖော်ဆောင်နိုင်အောင် ကျည်ကာဦးထုပ်နဲ့ ကျည်ကာဝတ်စုံတွေ လိုအပ်ပါတယ်။” ဟု Forward Myanmar ကဆိုသည်။
Forward Myanmar အဖွဲ့၏ပထမဆုံးခြေလှမ်းဖြစ်သည့် မကွေးဆီသို့ကမ်ပိန်းမှ ကျပ်သိန်းပေါင်း တစ်သောင်းခန့် ထောက်ပို့ပေးနိုင်ခဲ့ပြီး မကွေးတိင်း စစ်ဌာန လက်အောက်ရှိ တပ်ရင်းများအတွက် အသက်ကယ်ဝတ်စုံ ၆၈၀ ခန့် ရရှိမည်ဟု လည်း ထုတ်ပြန်ထားသည်။
