ဩဂုတ်-၇၊ ၂၀၂၅။ ထားမြတ်/People’s Spring
ကချင်ပြည်နယ်၊ မြစ်ကြီးနားမြို့တွင် ယနေ့(ဩဂုတ် ၇ရက်)နံနက်တွင် မီးလောင်မှု ဖြစ်ပွားပြီး နေအိမ်နှင့် ကားမီးလောင်ပျက်စီးမှုရှိခဲ့ဟု ဒေသခံက ပြောသည်။
ယနေ့နံနက်တွင် စစ်ကောင်စီ၏ စစ်တိုင်းဌာနချုပ်ဖြစ်သည့် မြောက်ပိုင်းတိုင်းစစ်ဌာနချုပ် – မပခ သွားရာလမ်း မြို့သစ်ကြီး ကွက်သစ်ရပ်ကွက်၌ အိမ်ရှင်များ အပြင်ထွက်စျေးဝယ်နေစဉ် မီးလောင်မှု ဖြစ်ခဲ့ခြင်းဟု ဆိုသည်။
မီးလောင်မှုကို အကြောင်းအရင်းကို စုံစမ်းနေဆဲဖြစ်ဟု သတင်းရင်းမြစ်က ပြောသည်။
Public Service Announcement
“မပခအနီး လက်နက်ကြီးသံကြားရတယ်လို့လည်း ပြောဆိုနေတယ် မီးမလောင်ခင်” ဟု ဒေသသတင်းရင်းမြစ်က ပြောသည်။
မီးလောင်မှုကြောင့် ပျက်စီးခဲ့သည့် နေအိမ်၊ ကား တို့၏ မှတ်တမ်းဓာတ်ပုံကိုလည်း သတင်းရင်းမြစ်က ပြသသည်။
