သြဂုတ်-၁၂၊ ၂၀၂၅။ ဇေအောင်/People’s Spring
မန္တလေးတိုင်း၊ မိတ္ထီလာမြို့က သူနာပြုသင်တန်းကျောင်းမှာ ကျောင်းသူတစ်ဦး အိမ်သာထဲ မီးလောင်သေဆုံးနေကြောင်း သတင်းရရှိပါတယ်။
ဒီကနေ့ သြဂုတ် ၁၂ ရက် မနက် ၂ နာရီခန့်က မိတ္ထီလာမြို့မှာ ဖွင့်လှစ်ထားတဲ့ သူနာပြုသင်တန်းကျောင်းက အိမ်သာထဲမှာ ကျောင်းသူတစ်ဦးဟာ မီးလောင်သေဆုံးနေခဲ့ကြောင်း ဒေသခံတွေက ပြောပါတယ်။
“ဒီဇယ်နံ့နဲ့ မီးခိုးနံ့တွေထွက်လာလို့ သိကြတာပြောတယ်”လို့ မိတ္ထီလာဒေသခံ အမျိုးသားတစ်ဦးက ပြောပါတယ်။
Public Service Announcement
အဲဒီကျောင်းသူဟာ အသက် ၂၀ခန့်ရှိပြီး ကရင်နီပြည်နယ်ကနေ သင်တန်းလာတက်သူလို့ သိရပါတယ်။ အဲဒီကျောင်းသူဟာ အိိမ်သာအတွင်း တံခါးဂျက်ထိုးပြီး ကိုယ့်ကိုယ်ကို ဒီဇယ်လောင်း မီးရှိူ့သတ်သေတာလို့ စွပ်စွဲထားကြပြီး ဖြစ်စဥ်အမှန်ကိုတော့ မသိရသေးပါဘူး။
လက်ရှိမှာတော့ ရုပ်အလောင်းကို မိတ္ထီလာဆေးရုံကို ပို့ဆောင်ထားတယ်လို့ သိရပါတယ်။
မနေ့ကလည်း လားရှိုးမြို့မှာ ဖခင်ဖြစ်သူနဲ့ ကလေး ၃ ဦး တပြိုင်တည်းသေဆုံးခဲ့ပြီး ကြွက်သက်ဆေးသောက်သေကြောင်းကြံတယ်လို့ ပြောဆိုနေကြပါတယ်။
