'/%3E%3C/svg%3E){kind=small}
သြဂုတ်-၁၃၊၂၀၂၅။မေရီ/People’s Spring
မန္တလေးမြို့က Sky Villaမှာ ငလျင်လှုပ်ခတ်ပြီး လေးလခွဲကျော်ကြာတဲ့အထိ ပျောက်ဆုံးသူတွေရှာနေရဆဲဖြစ်ပြီး ဒီကနေ့ ရုပ်အလောင်းတစ်လောင်း ထပ်မံတွေ့ရှိပါတယ်။
ငလျင်လှုပ်ခတ်ခဲ့မှုကြောင့် ပြိုကျပျက်စီးခဲ့တဲ့ မန္တလေးမြို့၊ အောင်မြေသာစံမြို့နယ်က Sky Villa အဆောက်အဦး A အဆောင်ကို ရှင်းလင်းခဲ့ရာ ဒီကနေ့ သြဂုတ် ၁၃ ရက် မနက် ၁၀ နာရီခွဲခန့်မှာ အမျိုးသားရုပ်အလောင်းတစ်လောင်း တွေ့ရှိရကြောင်း စစ်ကောင်စီလက်အောက်ခံ မီးသတ်ဦးစီးဌာနက ထုတ်ပြန်ပါတယ်။
“Sky villa က ကယ်ဆယ်ရေးလုပ်ငန်းက တော်တော်ဆိုးပါတယ်။ခုချိန်ထိအလောင်းတွေကတွေ့နေရတုန်းပဲ”လို့ဒေသခံတဦးကဆိုပါတယ်။
Public Service Announcement
၎င်းရုပ်အလောင်းဟာ Sky Villa ရဲ့ A အဆောင် (၃)လွှာ၊ အခန်းအမှတ် E3 က ဖြစ်တယ်လို့ သိရပါတယ်။
မန္တလေးမြို့မှာ ပြီးခဲ့တဲ့ မတ်လ ၂၈ ရက်ကလှုပ်ခတ်ခဲ့တဲ့ငလျင်ကြောင့် လူရာချီသေဆုံးကာ အဆောက်အအုံလေးထောင်ဝန်းကျင်ပျက်စီးဆုံးရှုံးခဲ့ကြောင်း လူမှုအဖွဲ့အစည်းတွေရဲ့မှတ်တမ်းတွေအရ သိရပါတယ်။ ငလျင်ကြီးလှုပ်ခတ်ခဲ့တာ လေး လခွဲကျော် ကြာခဲ့ပြီဖြစ်ပေမယ့်ယနေ့အထိအပျက်အစီးတွေရှင်းလင်းနေရဆဲဖြစ်ကြောင်း မန္တလေးမြို့ခံတွေက ပြောပါတယ်။
