စက်တင်ဘာ-၃၊၂၀၂၅။လူအေး/People’s Spring
မော်လိုက်မြို့နယ်တွင် ပြည်သူ့ကာကွယ်ရေးပူးပေါင်းတပ်များပိတ်ဆို့ထားသည့်တောင်းအင်စခန်းမှစစ်ကောင်စီနှင့်ပျူစောထီးအင်အား ၂၀၀ နီးပါးသည် ဆုတ်ခွာထွက်ပြေးသွားကြောင်းသတင်းရရှိသည်။
အာဏာသိမ်းပြီးနောက်ပိုင်း စစ်တပ်နှင့်ပျူအထိုင်ချထားသည့် တောင်းအင်စခန်းကို ပြည်သူ့ကာကွယ်ရေးပူးပေါင်းတပ်များက တစ်လနီးပါးကြာ ပိတ်ဆို့ထားခဲ့ပြီး ထိုးစစ်မဆင်မီ ဆုတ်ခွာထွက်ပြေးသွားကြောင်း သတင်းရရှိသည်။
” ၁ ရက်(စက်တင်ဘာ)နေ့ညက ပြေးတာ။ မတိုက်ရဘဲ ထွက်ပြေးသွားတာ။ စခန်းကို အေးအေးဆေးဆေးသိမ်းလိုက်တယ်လို့ကြားတယ်။ ကျတော်တို့ အတွင်းသတင်းပေါ့” ဟု ဒေသတွင်းမှ သတင်းရင်းမြစ်တစ်ဦးကပြောသည်။
Public Service Announcement
စစ်ကောင်စီနှင့် ပျုးစောထီးများသည် စက်တင်ဘာလ၁ရက်ညက ဆုတ်ခွာထွက်ပြေးသွားခြင်းဖြစ်ပြီး မော်လိုက်မြို့ပေါ်ရှိ ခြေမြန်တပ်ရင်း ခမရ ၃၆၄ ၊ ၃၆၅ ၊ ၃၆၆သို့သွားရောက်ပူးပေါင်းသည်ဟု သတင်းရကြောင်း ၎င်းကပြောသည်။
ပြည်သူ့ကာကွယ်ရေးပူးပေါင်းတပ်များသည် ဩဂုတ်လ ၁၅ ရက်နေ့ကလည်း မော်လိုက်မြို့နယ်မှ ထော်သာပျူစခန်းကို သိမ်းပိုက်ခဲ့ရာ ရက်ပိုင်းအတွင်း နောက်ထပ်စခန်းတစ်ခု ထပ်မံသိမ်းယူနိုင်ခြင်းဖြစ်သည်။
ထော်သာပျူစခန်းသိမ်းတိုက်ပွဲကို မော်လိုက်ခရိုင် တပ်ရင်း ၂၊ တပ်ရင်း ၄ နှင့် ဖောင်းပြင်မြို့နယ် ပကဖ ပူးပေါင်းအဖွဲ့တို့ ပူးပေါင်းတိုက်ခိုက်ခဲ့ပြီးပျူစောထီး ခေါင်းဆာင်အပါအဝင် ပျူစောထီးများ၏ မိသားစုဝင်၂၀၀ နီးပါးကိုဖမ်းမိခဲ့သည်။
တောင်းအင်စခန်းသိမ်းတိုက်ပွဲနှင့်ပတ်သက်၍ အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာန၊ အမှတ်(၁)စစ်ဒေသကသတင်းမထုတ်ပြန်သေးပေ။ မော်လိုက်မြို့ကို ပြည်သူ့ကာကွယ်ရေးတပ်ဖွဲ့များက အလွယ်တကူသိမ်းယူနိုင်ကြောင်းနှင့် မြို့ပေါ်မှဌာနဆိုင်ရာအရာရှိများ ထွက်ပြီးသွားကြောင်း စစ်ကောင်စီဝါဒဖြန့်ချီသည့် လူမှုကွန်ရက်စာမျက်နှာများက ရေးသား ပြီး စစ်ကူပေးရန် တောင်းဆိုနေကြသည်။
