ပျူရွာကို တပ်မ ၁၀၁ စစ်ကြောင်းရောက်နေချိန် လက်နက်ကြီးတွေနဲ့ တိုက်ခိုက်

စက်တင်ဘာ-၇၊၂၀၂၅။ဇေအောင်/People’s Spring

မကွေးတိုင်း၊ ပခုက္ကူမြို့နယ်၊ အနောက်ဘုန်းကန်ပျူစောထီးရွာကို တပ်မ ၁၀၁ က စစ်ကြောင်းရောက်နေချိန် တော်လှန်ရေးအဖွဲ့တွေက လက်နက်ကြီးတွေနဲ့ ပစ်ခတ်တိုက်ခိုက်ခဲ့ပါတယ်။

စက်တင်ဘာ၆ရက်၊မနက်ပိုင်းက ပခုက္ကူမြို့၊ အမှတ် (၁၀၁) ခြေမြန်တပ်မဌာနချုပ်ကနေ ထွက်လာတဲ့ စစ်ကောင်စီတပ်ကို အနောက်ဘုန်းကန်ပျူစောထီးရွာမှာရောက်ရှိနေချိန်မနက်၉ နာရီလောက်မှာ ရော့ကတ် ၅ လုံးနဲ့ ပစ်ခတ်တိုက်ခိုက်ခဲ့ကြောင်း Cobra One တပ်ဖွဲ့က သတင်းပြန်ကြားရေးတာဝန်ခံ ဗိုလ်မြွေဟောက်က ပြောပါတယ်။

“ကားတွေနဲ့ ဘုန်းကန်ပျူစောထီးရွာထဲကို ဝင်လာတာ။ သတင်းရရင်ချင်း ပစ်ခတ်တိုက်ခိုက်ခဲ့တာပါ။ ထိခိုက်မှုအခြေအနေကတော့ စုံစမ်းနေဆဲပါ”လို့ ဗိုလ်မြွေဟောက်က ပြောပါတယ်။

Public Service Announcement

အဲဒီစစ်သား​တွေဟာ စစ်ကြောင်းထိုးဖို့ရောက်လာတယ်လို့ ယူဆရပြီး ယခုလက်ရှိ ရွာထဲက ဘုန်းကြီးကျောင်းမှာ တပ်စွဲထားတယ်လို့ တော်လှန်ရေးရဲဘော်တွေက ပြောပါတယ်။

အဲဒီတိုက်ခိုက်မှုကို ပခုက္ကူမြို့နယ် ပကဖ-တပ်ရင်း(၁)၊ပခုက္ကူမြို့နယ် ပကဖ-လက်နက်ကြီးတပ်ဖွဲ့COBRA ONE ၊Burma Revolution Rangersတပ်ဖွဲ့တို့ ပူးပေါင်းတိုက်ခိုက်ခဲ့တယ်လို့ သိရပါတယ်။