ကျောက်ပန်းတောင်းနဲ့ မြို့နယ်ချင်းစပ်လမ်းပိုင်းမှာလူငယ်တွေကို ဖမ်းဆီးပေါ်တာဆွဲ

စက်တင်ဘာ – ၁၄ ၊၂၀၂၅ ၊ ဆိုင်းမင်း/People’s Spring

မန္တလေးတိုင်း၊ ကျောက်ပန်းတောင်းမြို့နယ်နဲ့ ထိစပ်နေတဲ့ မြို့နယ်ချင်းဆက်လမ်းပိုင်းတွေမှာ စစ်ကောင်စီတပ်နဲ့ လက်အောက်ခံ ပျုစောထီး အဖွဲ့က ခရီးသွားလူငယ်တွေကို ဖမ်းဆီးပေါ်တာဆွဲနေတယ်လို့ဒေသခံတွေဆီကသိရပါတယ်။

ကျောက်ပန်းတောင် – ချောက် ၊ ကျောက်ပန်းတောင် – နတ်မောက်၊ ကျောက်ပန်းတောင်း – ညောင်ဦး လမ်းပိုင်းတွေမှာ ရှိတဲ့ စစ်တပ် နဲ့ ပျုစောထီးဂိတ်တွေက ဖမ်းဆီးတာပါ။

အထူးသဖြင့် ကျောက်ပန်းတောင် – ချောက်မြို့နယ်အစပ်က ရွာတွေမှာဆိုရင် ပေါ်တာဆွဲတာကြောင့် ရွာခံလူငယ်တွေ တိမ်းရှောင်နေကြရတယ်လို့သိရပါတယ်။

Public Service Announcement

“အခုပေါ်တာဆွဲတာ နေ့စဉ်လိုဖြစ်နေတာ ၊ လူငယ်လူရွယ်တွေက ရှောင်နေရကြတယ်၊ ရွာတွေမှာ လူငယ်တွေ မရှိသလောက်ပဲ “လို့ ချောက်မြို့နယ် ၊ဂွေးချိုရွာမှာနေထိုင်သူတစ်ဦးကပြောပါတယ်။

အခုနှစ် ဇူလိုင်လကုန်ပိုင်းကစတင်ပြီး ပေါ်တာဆွဲတာ ကြမ်းလာတာလို့ ဒေသခံတွေဆီကသိရပါတယ်။

ပေါ်တာဆွဲဖမ်းဆီးခံရသူတွေထဲမှာ ငွေပေးလို့ပြန်လွတ်လာသူအချို့ရှိပေမယ့် အများစုကတော့ စစ်သင်တန်းတွေဆီပို့ဆောင်ခံရတယ်လို့ဒေသခံတွေက အသိပေးပါတယ်။

စစ်ကောင်စီတပ်ဟာ ပြီးခဲ့တဲ့ ရက်ပိုင်းကတင် စစ်မှုထမ်းအပတ်စဉ် (၁၇) အတွက် စုဆောင်းရရှိထားတဲ့ တပ်သားသစ်တွေကို သင်တန်း ကျောင်းတွေဆီပို့လိုက်ပြီး အပတ်စဉ် (၁၈) အတွက်လူစုတာတွေ စတင်လာတာပါ။