စက်တင်ဘာ-၁၈၊၂၀၂၅။ သုည/People’s Spring
နယ်သာလန်နိုင်ငံ သဟိတ်မြို့ နိုင်ငံခြားရေးဝန်ကြီးရုံးအနီးတွင် နယ်သာလန်ရောက် မြန်မာ့ဒီမိုကရေစီအင်အားစုများက ပူးပေါင်းပြီး နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် နိုင်ငံရေးအကျဥ်းသားများ လွတ်မြောက်ရေး ယနေ့ (စက်တင်ဘာ ၁၈) တောင်းဆိုဆန္ဒပြခဲ့ကြသည်။
ဆန္ဒပြပြည်သူများက ဒေါ်အောင်ဆန်းစုကြည်၊ သမ္မတကြီးဦးဝင်းမြင့်နှင့် နိုင်ငံရေးအကျဉ်းသားများအားလုံး လွတ်မြောက်ရေးအတွက် နယ်သာလန်အစိုးရနှင့် ဥရောပသမဂ္ဂတို့မှ မြန်မာစစ်အုပ်စုကို ဖိအားပေးရန် တောင်းဆိုခဲ့ကြသည်။
ထို့အပြင် နယ်သာလန်အစိုးရနှင့် ဥရောပသမဂ္ဂတို့အနေဖြင့် မြန်မာစစ်အုပ်စုကို ဖိအားပေးတောင်းဆိုရန် Petition Letters များကိုလည်း နိုင်ငံခြားရေးဝန်ကြီးရုံးသို့ ပေးအပ်ခဲ့သည်။
Public Service Announcement
