စက်တင်ဘာ-၂၀၊၂၀၂၅။ဇေအောင်/People’s Spring
စစ်ကိုင်းတိုင်း၊ ဆားလင်းကြီးမြို့နယ်မှာ ဝက်စာရှာထွက်တဲ့မြေးအဘိုး၃ဦးကို စစ်တပ်က ပစ်သတ်လို့ ၂ ဦးသေဆုံးကာ တစ်ဦးထိခိုက်ဒဏ်ရာရရှိခဲ့ပါတယ်။
စက်တင်ဘာ ၁၉ ရက် နေ့လယ် ၁၂ နာရီဝန်းကျင်က ဆားလင်းကြီးမြို့ပေါ်၊ မီးသတ်ရုံးအနီးမှာ စစ်တပ်က သေနတ်နဲ့ပစ်ခတ်လို့ ပြည်သူ ၂ ဦးသေဆုံးပြီး တစ်ဦး ခြေထောက်ထိမှန်ဒဏ်ရာရခဲ့ကြောင်း ဒေသခံများက ပြောပါတယ်။
ပစ်ခတ်ခံရသူတွေဟာညောင်ပင်ကြီးရွာနား၊ သိမ်တော်ရွာကဖြစ်ပြီး အဘိုးဖြစ်သူ ဦးဘဌေးနဲ့ သူ့မြေးတဦးတို့ သေဆုံးခဲ့ခြင်းဖြစ်ပါတယ်။ကျန်မြေးတဦးလည်း ခြေထောက်ပြတ်သွားကြောင်း ဒေသခံများက ပြောပါတယ်။
Public Service Announcement
“မြေးဖိုးသုံးယောက် မြို့ပေါ်ကနေ ဆားခါးသွားတာ။ ခွေးကင်းပတ်တာနဲ့တွေ့တာ။ရပ်ကွက်ထဲကတော့ဝက်စာ အစာရှာထွက်တာလို့ပြောကြတယ်။”လို့ ဒေသခံတဦးက ပြောပါတယ်။
ကင်းပုန်းတွေရှိနေလို့ သေဆုံးသူတွေရဲ့ရုပ်အလောင်းတွေကို ညနေပိုင်းအထိ ကောက်ယူနိုင်ခြင်းမရှိသေးဘူးလို့ Monywa Roads Information အဖွဲ့က ဆိုပါတယ်။
ချင်းတွင်းမြစ်တဖက်ကမ်းကမုံရွာမြို့နယ်မှာလည်းစက်တင်ဘာ ၁၅ ရက်နဲ့ ၁၇ ရက်နေ့တွေမှာ စစ်တပ်က လက်နက်ကြီးနဲ့ ပစ်ခတ်လို့ ပြည်သူ ၁ ဦးသေဆုံးကာ ၅ ဦးဒဏ်ရာရခဲ့ပါသေးတယ်။
