စက်တင်ဘာ-၂၀၊ ၂၀၂၅။ဇော်ဝင်း/People’s Spring
မွန်ပြည်နယ်၊မော်လမြိုင်မြို့နယ်ကနေ ပေါင်မြို့နယ်ဘက်မောင်းလာတဲ့ ရထားနဲ့ ကားတစီးတိုက်မိတယ်လို့ သတင်းရရှိပါတယ်။
ဒီကနေ့(စက်တင်ဘာ ၂၀ ရက်) ည ၇နာရီဝန်းကျင်ကဖြစ်ပွားခဲ့ပြီး ကားပေါ်က ယာဥ် မောင်းပျောက်နေတယ်လို့ ဒေသခံသတင်းရင်းက ဆိုပါတယ်။
“ရထားနဲ့ချိတ်ပါသွားတာ လမ်းနှစ်ပြန်စာ ပေ ၆၀၀ လောက်ရှိတယ်။အဲဒါပြီးတော့ ကားက လမ်းဘေးကို ကျသွားတယ်”လို့ ဒေသခံတဦးက ပြောပါတယ်။
Public Service Announcement
တိုယိုတာ ဟာရီရာ ကားအမျိုးအစား အဖြူရောင်ယာဥ်က ပေါင်မြို့နယ်၊ပေါင်းရပ်ကွက်စည်ပင်ရုံးအနီး ရထားလမ်းကိုဖြတ်ရင်း ရထားနဲ့ တိုက်မိခဲ့တာဖြစ်ပါတယ်။
“အဲဒီတစ်ဝိုက် လမ်းမီးက ဘာမှမရှိဘူး။ဖြစ်တဲ့အချိန် ဒုန်းဆိုပြီအသံကြားတယ်။ကျန်တာတော့ မသိသေးဘူး”လို့ ပေါင်မြို့ခံတဦးက ပြောပါတယ်။
ပျောက်ဆုံးနေတဲ့ မော်တော်ကားယာဥ်မောင်းကို ကယ်ဆယ်ရေးအဖွဲ့ တွေ့က ရှာဖွေနေဆဲ ဖြစ်ပြီး ရထားကတော့ ပေါင်မြို့ကနေ သထုံမြို့ဘက်ကို ဆက်ပြီးထွက်ခွာသွားတယ်လို့ သိရပါတယ်။
ပေါင်မြို့နယ်မှာ ရထားနဲ့ ကားတိုက်မိပြီး ယာဉ်မောင်းပျောက်ဆုံးနေ စက်တင်ဘာ-၂၀၊ ၂၀၂၅။ဇော်ဝင်း/People's…
Posted by People's Spring on Saturday 20 September 2025
ရုပ်သံ − Warazein News Agency paung Daily
