မုံရွာမှာစစ်ရှောင်တွေနေတဲ့မိုးညှင်းသံဗုဒ္ဓေဘုရားဝင်းထဲကိုစစ်တပ်တပ်စွဲလို့စစ်​ရှောင်​တွေအခက်​တွေ့

စက်တင်ဘာ-၂၅၊ ၂၀၂၅။ဇေအောင်/People’s Spring

စစ်ကိုင်းတိုင်းမုံရွာမြို့မှာစစ်ရှောင်တွေနေတဲ့ မိုးညှင်းသံဗုဒ္ဓေဘုရားဝင်းထဲကို စစ်ကောင်စီတပ်က တပ်စွဲလိုက်လို့ စစ်​ရှောင်ပြည်သူ​တွေအခက်​တွေ့​နေကြောင်း သတင်းရရှိပါတယ်။

မုံရွာမြို့နယ်ထဲမှာ စစ်ကောင်စီစစ်ကြောင်းထိုးသတ်ဖြတ်လို့ ကျေးရွာတွေဟာ တိမ်းရှောင်လာခဲ့ကြရာ မိုးညှင်းသံဗုဒ္ဓေဘုရားဝင်းထဲမှာလည်း စစ်ရှောင်တွေ လေးနှစ်ကျော် နေထိုင်ခဲ့ကြပါတယ်။ စက်တင်ဘာလ တတိယပတ်အတွင်းမှာတော့ စစ်

တပ်ကဝင်လာပြီး တပ်စွဲလိုက်လို့ စစ်ရှောင်တွေ နေထိုင်ရေးအခက်အခဲတွေရှိနေကြောင်း စစ်ရှောင်တွေနဲ့ နီးစပ်သူတွေက ပြောပါတယ်။

Public Service Announcement

“ဒီလိုမျိုး အထိုင်ချတပ်စွဲတာတွေ ပြုလုပ်လာတာဖြစ်တဲ့အတွက်ကျေးရွာကပြည်သူတွေ တိမ်းရှောင်

ရတာတွေရှိတယ်။ စစ်ရှောင်တွေနေတဲ့ ဘုရားကျောင်းတွေမှာ တပ်စွဲလာတာဖြစ်တဲ့အတွက် အဲဒီကျောင်းတွေမှာရောက်နေတဲ့စစ်ရှောင်တွေလည်း ပိတ်မိတာတွေရှိတယ်။”လို့ စစ်ရှောင်တွေကိုကူညီပေးနေသူတဦးက ပြောပါတယ်။

ဒါ့အပြင် ဘုရားထဲတပ်စွဲထားတဲ့ စစ်အုပ်စုဟာ ဘုရားအဝင်ကနေ လမ်းသွားလမ်းလာ ပြည်သူတွေကို တားဆီးစစ်ဆေးတာတွေ ပြုလုပ်ပြီး ငွေညှစ်တာ​တွေလည်းလုပ်​နေတယ်လို့ မုံရွာဒေသခံတွေက ပြောပါတယ်။

စက်တင်ဘာလထဲမှာပဲ မုံရွာ-အရာတော်လမ်းပေါ်က ကျောက္ကာရွှေဂူနီဘုရားမှာလည်း စစ်ကောင်စီတပ်က တပ်လာစွဲလိုက်ပြီး လမ်းသွားလမ်းလာတွေကိုစစ်ဆေးတင်းကြပ်နေတယ်လို့သိရပါတယ်။