စက်တင်ဘာ-၂၉၊၂၀၂၅၊မေ/ People’s Spring
မန္တလေးတိုင်း၊စဉ့်ကူးမြို့နယ်က ကျေးရွာနှစ်ရွာကို စစ်တပ်က လေကြောင်းတိုက်ခိုက်ခဲ့လို့ အမျိုးသမီး ၄ ဦးသေဆုံးပြီး ဒေသခံပြည်သူ ၇ဦး ထိခိုက်ဒဏ်ရာရခဲ့တယ်လို့ ဒေသခံတွေကပြောပါတယ်။
စက်တင်ဘာလ၂၈ ရက်ညနေ ၅နာရီကျော်မှာတံတားဦးလေတပ်ကဂျက်ဖိုက်တာတစီးဟာကံတောင်ကျေးရွာစာသင်ကျောင်းကို လေကြောင်းတိုက်ခိုက်ခဲ့လို့ အမျိုးသမီးနှစ်ဦး သေဆုံးကာ လေးဦး ထိခိုက်ဒဏ်ရာရခဲ့ပါတယ်။
အလားတူပဲမိတ္တီလာလေတပ်ကဂျက်ဖိုက်တာတစီးဟာလည်း မာလဲကျေးရွာဆည်အနီးကို လေကြောင်းတိုက်ခိုက်ခဲ့လို့ အမျိုးသမီး၂ဦး သေဆုံးကာ ၃ဦး ထိခိုက်ဒဏ်ရာရခဲ့တာလို့သိရပါတယ်။
Public Service Announcement
“လေယာဉ်နှစ်စီး ရှေ့နောက်တက်တာ။နှစ်စီးလုံးကြဲသွားတာ။အဲဒီရွာနှစ်ရွာကလည်း ကပ်လျက်ရှိတာလေ။အခုက မတ္တရာရော၊သပိတ်ကျင်းမြိုနယ်တွေက ဒီရွာ တွေကို စစ်လာရှောင် နေရတာလေ”လို့ စဉ့်ကူးမြို့နယ်က ဒေသခံတဦးက ပြောပါတယ်။
စဉ့်ကူးမြို့နယ်၊ကံတောင်ကျေးရွာကို စစ်တပ်က ၂၀၂၄အတွင်းမှာလည်း လေကြောင်းတိုက်ခိုက်မှုအကြိမ်ကြိမ်ပြုလုပ်ခဲ့ပြီး ကလေ ငယ်တွေ အပါအဝင် မကြာခဏ လူသေဆုံးမှုဖြစ်ထားတဲ့ ရွာဖြစ်ပါတယ်။
မန္တလေးတိုင်းအတွင်းက သပိတ်ကျင်း၊မတ္တရာ၊မိုးကုတ်မြို့နယ်နဲ့ စဉ့်ကူးမြို့နယ်တွေကိုလည်း နေ့စဉ် လေကြောင်းတိုက်နေပြီး ဒေသခံပြည်သူ သေဆုံးမှုတွေ ဆက်တိုက်ဖြစ် နေတာပါ။
