အောက်တိုဘာ-၂၊၂၀၂၅။/People’s Spring
ရှမ်းပြည်နယ်မြောက်ပိုင်းမှာ နမ္မတူနဲ့ မန်တုံမြို့ကို ဒီနေ့(အောက်တိုဘာ ၂ရက်) မနက်ပိုင်းမှာ စစ်ကောင်စီက လေကြောင်းကနေဗုံးကြဲတိုက်ခိုက်ရာ အရပ်သားသုံးဦးသေဆုံးပြီး ကလေးငယ်အပါအဝင် ခြောက်ဦး ဒဏ်ရာရခဲ့တယ်လို့ တအာင်းအမျိုးသားလွတ်မြောက်ရေးတပ်မတော်(TNLA)က ထုတ်ပြန်ပါတယ်။
စစ်ကောင်စီတပ်ဟာ ဒီကနေ့ နံနက် ၇နာရီ မိနစ်၂၀အချိန်မှာ ပြည်သူလူထုတွေတည်ရှိရာကို ဦးတည်ပြီး ရည်ရွယ်ချက်ရှိရှိနဲ့ လေကြောင်းကနေ နမ္မတူမြို့မှာ ဗုံးတလုံးနဲ့ မန်တုံမြို့မှာ လေးလုံး ဗုံးကြဲတိုက်ခိုက်ခဲ့တာလို့ ဆိုပါတယ်။
ဗုံးကျရောက်ပေါက်ကွဲမှုကြောင့် နမ္မတူမြို့က ပြည်သူ သုံးဦး သေဆုံးခဲ့ပြီး ကလေးအပါအဝင် (၆)ဦး ထိခိုက်ဒဏ်ရာရရှိခဲ့ကာ နေအိမ် (၈)လုံးလည်း ထိခိုက်ပျက်စီးခဲ့တယ်လို့ ဆိုပါတယ်။
Public Service Announcement
ဒါ့အပြင် ယမန်နေ့လည်း မိုးကုတ်မြို့အနောက်ပိုင်း၊ ရေထွက်ကြီးကျေးရွာကို စစ်ကောင်စီက လေကြောင်းကနေ ဗုံးကြဲတိုက်ခိုက်မှုကြောင့် အမျိုးသား တဦး ဒဏ်ရာရရှိခဲ့ပြီး နေအိမ် တလုံးလည်း ပျက်စီးခဲ့တယ်လို့ ထုတ်ပြန်ပါတယ်။
ဒါ့ကြောင့် ပြည်သူတွေအနေနဲ့ စစ်ကောင်စီရဲ့ ဗုံးကြဲတိုက်ခိုက်မှုတွေရှောင်ရှားနိုင်ဖို့ စစ်ရေးသတိ အမြဲရှိရန်ဖို့ အပ်ပြီး လေကြောင်းရန် ကာကွယ်နိုင်ဖို့ လေကြောင်းရန်ကာကွယ်ရေးဆိုင်ရာနည်းလမ်းတွေ လိုက်နာဖို့လည်း TNLAက တိုက်တွန်းထားပါတယ်။
