အောက်တိုဘာ-၄၊၂၀၂၅။လူအေး/People’s Spring
ဝကိုယ်ပိုင်အုပ်ချုပ်ခွင့်ရဒေသ၊နမ့်တစ်မြို့မှာ ရွှေဆိုင်ရှိရာကို မြေအောက်ဥမင်လိုဏ်ခေါင်းဖောက်ပြီး ရွှေတွေခိုးယူသွားတဲ့ အမျိုးသားတစ်ဦးကို ဝရဲတပ်ဖွဲ့က ဖမ်းမိထားတယ်လို့ UWSAဆီကနေ သိရပါတယ်။
“ ဝ” ပြည်နယ် ဟိုပန်ခရိုင် နမ့်တစ်မြို့က ရွှေဆိုင်တစ်ဆိုင်ကိုစက်တင်ဘာလ ၂၈ရက်နေ့ နံနက်အစောပိုင်းဖောက်ထွင်းခိုးယူခံခဲ့ရတာပါ။ ခိုးယူသူဟာရွှေဆိုင်ကို ရေမြောင်းဖောက်၊ ဥမင်လိုဏ်
ခေါင်းတူးပြီးဆိုင်အတွင်းသို့ ဝင်ရောက်ခဲ့တာလို့ ‘ဝ’ပြည်နယ်တရားစီရင်ရေးကော်မတီ ရဲဌာနရုံးကို ကိုးကားပြီး “ဝ” ပြည် သွေးစည်းညီညွတ်ရေးတပ်မတော် (UWSA) လားရှိုးမြို့အခြေစိုက် ပြင်ပဆက်ဆံရေးတာဝန်ခံ ဦးညီရမ်းက လူမှုကွန်ရက်မှာ အောက်တိုဘာလ၄ရက်နေ့မှာရေးသားထားပါတယ်။
Public Service Announcement
မြေအောက်ဥမင်လိုဏ်ခေါင်းတစ်ခုတူးပြီးရွှေခိုးမှုတစ်ခုကို “ ဝ” ပြည်နယ်တရားစီရင်ရေးလုပ်ငန်းကော်မတီရဲ့ ဟိုပန် တရားရေးကော်မတီရဲဌာနဟာအောင်မြင်စွာ ဖော်ထုတ်နိုင်ခဲ့ပြီး တရားခံကိုဖမ်းဆီးထားတယ်လို့ ဆိုပါတယ်။ ဒါ့အပြင်ခိုးယူတဲ့ ရွှေလက်ဝတ်ရတနာများနဲ့ ရရှိငွေအားလုံး ပြန်လည်ရရှိခဲ့တယ်လို့ ဆိုပါတယ်။
“ ၀ဒေသမှာက ပြည်မလိုမဟုတ်ဘူး။အမှုတွေ အကုန် မိတာများတယ်။ ပြစ်မှုကြီးတွေဆိုရင် သေဒဏ်ပေးတာ။ အခု ရွှေခိုးတဲ့အမှုကိုတော့ ဘယ်လိုအရေးယူမှန်းမသိဘူး” လို့ ဝဒေသမှာနေထိုင်သူတဦးကပြောပါတယ်။
ဖမ်းမိထားသူဟာကိုးကန့်တိုင်းရင်းသားတစ်ဦးဖြစ်တယ်လို့လည်း ဒေသခံတချို့ကပြောပါတယ်။သူက ဥမင်လိုဏ်ခေါင်းဘယ်လိုတူးပြီး ခိုးမှုကိုဘယ်လိုကျူးလွန်ခဲ့တယ်ဆိုတဲ့အသေးစိတ်ကိုတော့ ဦးညီရမ်းက အသိပေးထားခြင်းမရှိပါဘူး။ တချို့ကလည်း ကျူးလွန်သူရဲ့ ဇွဲနဘဲကြီးမှုကို ချီးကျူးနေကြပါတယ်။
” ဒီလောက်ဇွဲကြီးတဲ့လူကိုဝကစစ်သားလုပ်ခိုင်းရမှာ” လို့ လူမှုကွန်ရက်သုံးစွဲတစ်ဦးက မှတ်ချက်ပြုထားပါတယ်။
