အောက်တိုဘာ-၆၊၂၀၂၅။လူအေး/People’s Spring
သတင်းကျွတ်လပြည့်နေ့ မနက်အစောပိုင်းမှာစစ်ကောင်စီက သီပေါ နဲ့ နမ္မတူမြို့ကိုလေကြောင်းကနေဗုံးထပ်ကြဲသွားပါတယ်။
ယနေ့မနက် ၇နာရီ ၃၈မိနစ်မှာမှာ နမ္မတူမြို့ကို ဗုံးကြဲပြီးသီပေါမြို့ကို ၇နာရီ ၄၄ မိနစ်မှာကြဲခြင်းဖြစ်ပါတယ်။ထိခိုက်ပျက်စီးမှုတွေအလွန်များပြာတယ်လို့ဒေသခံသတင်းသတင်းမြစ်တွေကပြောပါတယ်။
“ နှစ်မြီု့စလုံးကို ၆မိနစ်အတွင်းဆက်တိုက်ကြဲသွားတာ။ အခါကြီးရက်ကြီး ဘယ်လိုဖြတ်သန်းရမယ်မသိတော့ဘူး” လို့ နမ္မတူမြို့မြို့ခံတစ်ဦးကပြောပါတယ်။
Public Service Announcement
နမ္မတူရော သီ ပေါရောကို မြို့ထဲကိုကြဲတာဖြစ်ပြီးနမ္မတူက ရပ်ကွက် ၆မှာ အထိအခိုက်တွေအရမ်းများထားတယ်မြို့ခံတစ်ဦးကပြောပါတယ်။
နမ္မတူမြို့ကို အောက်တိုဘာ၂ရက်နေ့ကပုံကြဲတာမှာ အရပ်သားသုံးဦးသေဆုံးခဲ့သလို သီပေါမြို့ကို အော်တိုဘာ၄ရက်နေ့ကဗုံးကြဲတာမှာလည်း ဘုန်းကြီးကျောင်းအဆောက်အအုံတွေအပျက်အစီး
များခဲ့ပါတယ်။
ဒီနေ့မနက်ပိုင်း သီပေါနဲ့နမ္မတူမြို့ကို လေကြောင်းက ဗုံးကြဲသွားတဲ့ဖြစ်စဉ်ကို TNLA က သတင်းထုတ်ပြန်ထားပြီး ထိခိုက်မှုအခြေနေကိုဆက်လက်အသိပေးမယ်လို့ဆိုပါတယ်။ နမ္မတူမြို့ကို စစ်ကောင်စီက လေကြောင်းကနေ ဗုံးကြဲတိုက်ခိုက်သွားကြောင်းကို SSPP ကလည်း သတင်းထုတ်ပြန်ထားပါတယ်။
ဒီနေ့ဟာဗုဒ္ဓဘာသာဝင်တွေ ဥပုဒ်သီလဆောက်တည်ကြတဲ့ သတင်းကျွတ်လပြည့်နေ့ဖြစ်ပြီး အခုလိုဗုံးကြဲတိုက်ခိုက်မှုအပေါ် လူမှုကွန်ရက်သုံးစွဲသူတွေကအပြင်းအထန်ဝေဖန်နေကြပါတယ်။
