ဗန်းမောက်တိုက်ပွဲ ဘေးလွတ်ရာတိမ်းရှောင်နေရတဲ့ ပြည်သူတွေကိုကူညီပေးဖို့ မြို့နယ်ပအဖတိုက်တွန်း

အောက်တိုဘာ-၉၊ ၂၀၂၅။ ထားမြတ်/People’s Spring

စစ်ကိုင်းတိုင်း၊ ဗန်းမောက်မြို့နယ်တိုက်ပွဲတွေကြောင့် မြို့အနီးတ၀ိုက် ကျေးရွာတွေက ပြည်သူ တထောင်ကျော်ရှိကြောင်း ဗန်းမောက်မြို့နယ် ပြည်သူ့အုပ်ချုပ်ရေးအဖွဲ့(ပအဖ)ကဒီကနေ့ အောက်တိုဘာ ၉ရက် ညနေပိုင်းမှာ အသိပေးထုတ်ပြန်ပါတယ်။

ပြည်သူတွေကို အမျိုးသားညီညွတ်ရေးအစိုးရ(NUG) လက်အောက်ခံ အဖွဲ့တွေက ကျန်းမာရေးစောင့်ရှောက်ပေးလျက်ရှိကြောင်း အသိပေးထားပြီး စစ်ရှောင်တွေကို ကူညီပေးဖို့လည်းနှိုးဆော်ထားပါတယ်။

လက်ရှိ ဗန်းမောက်မြို့ အနီးမှာ တိုက်ပွဲတွေနေ့စဉ် ဖြစ်ပွားနေတယ်လို့ မြို့နယ်ပအဖက မနေ့ညပိုင်းက ထုတ်ပြန်ထားပါတယ်။

Public Service Announcement

မြို့အနီးက ကျေးရွာ ၁၅ရွာခန့်က ပြည်သူတွေ၊ မြို့ပေါ် (၄)ရပ်ကွက်က ပြည်သူတွေဟာ ဘေးလွတ်ရာရှောင်တိမ်းနေကြရပြီး အချို့ ရွာတွေဟာ အသက်လုပြေးရှောင်လာရလို့အစားအစာအဝတ်အထည်၊စောင်၊ ခြင်ထောင်တွေလိုအပ်နေတယ်လို့ အသိပေးထားပါတယ်။

ဒါကြောင့် ပြည်သူကို ပြည်သူက ကူညီနိုင်ရေး ဆက်သွယ်လှူဒါန်းကြဖို့ မိုးမောက် ပအဖက တိုက်တွန်းနှိုးဆော်ထားပါတယ်။

စစ်ကောင်စီတပ်နဲ့ ရှမ်းနီ SNAတပ်တွေရှိတဲ့ဗန်းမောက်မြို့သိမ်းစစ်ဆင် ရေးကို NUGကာကွယ်ရေးဝန်ကြီးဌာနအမှတ်(၁)စစ်ဒေသ ဦးဆောင်မှုနဲ့ စက်တင်ဘာ ၁၅ရက်မှာ တိုက်ပွဲဖော်ဆောင်ခဲ့ရာ စက်တင်ဘာ ၂၀ရက်မှာ မြို့ကို သိမ်းပိုက်နိုင်ခဲ့ပါတယ်။ ဒါပေမဲ့စစ်ကောင်စီနဲ့ရှမ်းနီတပ်တွေက ပြန်လည်ထိုးစစ်ဆင်နေလို့ ဗန်းမောက်မှာတိုက်ပွဲတွေဆက်လက်ဖြစ်ပွားလျက်ရှိပါတယ်။