အောက်တိုဘာ-၁၅၊၂၀၂၅။ဇေအောင်/People’s Spring
စစ်ကိုင်းတိုင်း၊ မြောင်မြို့နယ်၊ ဇရပ်ကုန်းရွာကို စစ်ကောင်စီတပ်က လေကြောင်းဗုံးကြဲတိုက်ခိုက်ခဲ့လို့ ပြည်သူ ၃ ဦးထက်မနည်း ထိခိုက်ဒဏ်ရာ ရရှိခဲ့ကြောင်း ဒေသခံတွေက ပြောပါတယ်။
အောက်တိုဘာ ၁၅ ရက်၊မနက် ၇ နာရီ ၅၅ မိနစ်ခန့်က ချောင်းဦးမြို့နယ်နဲ့ မြောင်နယ်အစပ်က မြောင်နယ်ထဲပါတဲ့ဇရပ်ကုန်းရွာကိုစစ်တပ်ကတိုက်ပွဲဖြစ်
ပွားခြင်းမရှိပဲ ဂျက်ဖိုက်တာတစီးနဲ့ လာရောက်လေကြောင်းတိုက်ခိုက်ခဲ့လို့ ကျား ၁ ဦး၊ မ ၂ ဦးထက်မနည်း ထိခိုက်ခဲ့ကြောင်း ဒေသခံတွေက ပြောပါတယ်။
Public Service Announcement
“၅ လုံးလောက်ချသွားတာ။တရွာလုံးဟိုနေရာချဒီနေရာချ ချသွားတာ။ လူနေအိမ်တွေပေါ်ကျတာ။ လက်ရှိတော့ ၃ ယောက်ထိထားတယ်။”လို့ ချောင်းဦးဒေသခံတဦးက ပြောပါတယ်။
ဗုံးကွဲအား ပြင်းထန်တာကြောင့်နေအိမ်တချိုလည်းပျက်စီးပြီး တမာပင်တွေပါ ကျွတ်ထွက်ကုန်တယ်လို့ ဒေသခံတချို့က ပြောပါတယ်။
ဇရပ်ကုန်းရွာကို ပြီးခဲ့တဲ့ ၂၀၂၄ ခုနှစ်၊အောက်တိုဘာ၂၄ ရက်တုန်းကလည်းစစ်တပ်ကလေကြောင်းတိုက်ခိုက်ဖူးပြီး ပြည်သူ ၆ ဦး သေဆုံးခဲ့ဖူးပါတယ်။
ဇရပ်ကုန်းကျေးရွာဟာ မြောင်မြို့ အနောက်ဘက် ၈ မိုင်ခန့်အကွာမှာတည်ရှိပြီး အိမ်ခြေတထောင်ခန့်ရှိတယ်လို့ သိရပါတယ်။
