စစ်​ကောင်စီဝန်ထမ်း တွေမဲမ​ပေးရင် နိုင်ငံဝန်ထမ်းဥပဒေအပြင် အကြမ်းဖက်ဥပ​ဒေနဲ့ပါအရေးယူမယ်လို့စစ်တပ်ခြိမ်းခြောက်​နေ

အောက်တိုဘာ-၂၅၊၂၀၂၅။ရှိန်း/People’s Spring

စစ်ကောင်စီဝန်ထမ်းတွေ မဲမပေးရင် နိုင်ငံဝန်ထမ်းဥပဒေအပြင် အကြမ်းဖက်ပုဒ်မနဲ့ပါ အရေးယူခံရမယ်လို့ ဌာနတွင်းသတိပေးမခြိမ်း​​ခြောက်ထားတယ်လို့ ဝန်ထမ်းအချို့ နဲ့ ဝန်ထမ်းမိသားစုဝင်​တွေက​ပြောပါတယ်။

စစ်တပ်ရဲ့တပ်မိသားစု၊ တရားရေး၊ ထွေအုပ်၊ ပညာရေး၊ ရဲမိသားစုဝင်တွေကို အခုလိုခြိမ်းခြောက်ထားတာလို့စုံစမ်းသိရပါတယ်။

“အမိန့်စာဆိုပြီးထွက်ထားတာမဟုတ်ဘူး။Viber ဂရုတွေထဲမှာပို့တယ်။ဌာနတိုင်းကတော့ နှုတ်မိန့်ကျမှာပါ။ကျွန်မတို့ဌာနဆိုရင်မဲစာရင်းစစ်ဖို့ကအစ နိုင်ငံဝန်ထမ်းတ‌ယောက်အနေနဲ့ တာဝန်ကြေဖို့ပြောတယ်။မဲမပေးရင် ဌာနမှာတခုခုဖြစ်မယ်ဆိုတာ အကုန်သိနေကြတာပဲ။ဝန်ထမ်းအနေနဲ့က တော့ပေးရမှာပေါ့”လို့ ရဲဝန်ထမ်းအမျိုးသမီးတဦးကလည်း ပြောပါတယ်။

Public Service Announcement

ဒါ့အပြင်တရားရုံးဝန်ထမ်းတွေကိုလည်း မဲမ​ပေးရင်PDFထောက်ခံသူအဖြစ်သတ်မှတ်ကာအကြမ်းဖက်ဥပဒေနဲ့တရားစွဲမယ်လို့ ခြိမ်းခြောက်ထားပြီး မိသားစုဝင်အားလုံးက မဲပေးရမယ်လို့ ဖိအား​ပေး​နေတယ်လို့ စုံစမ်းသိရပါတယ်။

ပညာရေးဌာနမှာလည်း Viber ကနေတဆင့် စစ်တပ်ရွေးကောက်ပွဲမှာ မဲပေးရခိုင်းထားပြီးမဲမပေးရင် CDM ဝန်ထမ်းအဖြစ်သတ်မှတ်ကာ လိုအပ်တဲ့ ပုဒ်မတပ်၍အရေး ယူသွားမယ်လို့ ဌာနတွင်းအမိန့် ​ပေးပို့ခြိမ်း​ခြောက်ထားတယ်လို့ ပညာ ရေးဝန်ထမ်းမိသားစုဝင်တဦး ကပြောပါတယ်။

စစ်ကောင်စီက လာမယ့် ဒီဇင်ဘာလကုန်ပိုင်းမှာ ရွေးကောက်ပွဲပြုလုပ်မယ်လို့‌ ကြေညာထားပြီး ပြည်သူလူထုကစိတ်ဝင်စားမှု မရှိတာကြောင့်စစ်​ကောင်စီလက်​အောက်ခံ ဝန်ထမ်းတွေကို ခြိမ်းခြောက်ကာ မိသားစုဝင်တွေကိုပါ မဲထည့်ကြဖို့ခြိမ်း​ခြောက်ဖိအား​ပေး​နေတာဖြစ်ပါတယ်။