နိုဝင်ဘာ ၁၂၊ ၂၀၂၅။ဇော်ဝင်း/People’s Spring
စစ်ကိုင်းတိုင်း၊ကန့်ဘလူ နဲ့ ခင်ဦး မြို့နယ်မှာ စစ်တပ်စစ်ကြောင်းပျက်တဲ့အထိ တိုက်ခံရပြီး တပ်မ ၃၃ ဗျူဟာမှူး အလောင်း နဲ့ စစ်ကောင်စီတပ်သားတွေ အများအပြားအရှင်ဖမ်းမိတယ်လို့ စစ်ကိုင်းအထက်ပိုင်းစစ်ရေးသတင်းရင်းမြစ်အချို့က လူထုနွေဦးကို ပြောပါတယ်။
ဒီကနေ့(နိုဝင်ဘာ ၁၂ ရက်)ကကန့်ဘလူမြို့နယ် ယင်းတိုက်ရွာ နဲ့ ခင်ဦး မြို့နယ် ရှားတော ရွာကြား မှာ စစ်တပ်စစ်ကြောင်းကို PDF ၊ ပကဖ အပါအဝင်တော်လှန်ရေးတပ်တွေက ကြားဖြတ်တိုက်ခံရတာ လို့ သတင်းရရှိပါတယ်။
“ လက်နက် ၂၀ ကျော်နဲ့အရှင်တွေလည်းမိထားတယ်။တပ်မ ၃၃ ဗျူဟာမှူးပါအသေရတယ်ပြောတယ်” လို့ စစ်ရေးသတင်းရင်းမြစ်က ပြောပါတယ်။
Public Service Announcement
၂၀၂၅ စက်တင်ဘာ ၂၂ ရက်မှာခင်ဦးမြို့နယ်မှာ စစ်တပ် စစ်ကြောင်းကို တော်လှန်ရေးတပ်များကတိုက်ခိုက်ပြီး လက်နက်ခဲယမ်းနဲ့စစ်သုံ့ပန်းများဖမ်းဆီးရရှိခဲ့ရာ တော်လှန်ရေးတပ်တွေက မှတ်တမ်းဓါတ်ပုံရိုက်ကူးစဥ်။ဓါတ်ပုံ-ခင်ဦးပကဖ 
၂၀၂၅ စက်တင်ဘာ ၂၂ ရက်မှာခင်ဦးမြို့နယ်မှာ စစ်တပ် စစ်ကြောင်းကို တော်လှန်ရေးတပ်များကတိုက်ခိုက်ပြီး လက်နက်ခဲယမ်းနဲ့စစ်သုံ့ပန်းများဖမ်းဆီးရရှိခဲ့ရာ တော်လှန်ရေးတပ်တွေက မှတ်တမ်းဓါတ်ပုံရိုက်ကူးစဥ်။ဓါတ်ပုံ-ခင်ဦးပကဖ 
၂၀၂၅ စက်တင်ဘာ ၂၂ ရက်မှာခင်ဦးမြို့နယ်မှာ စစ်တပ် စစ်ကြောင်းကို တော်လှန်ရေးတပ်များကတိုက်ခိုက်ပြီး လက်နက်ခဲယမ်းနဲ့စစ်သုံ့ပန်းများဖမ်းဆီးရရှိခဲ့ရာ တော်လှန်ရေးတပ်တွေက မှတ်တမ်းဓါတ်ပုံရိုက်ကူးစဥ်။ဓါတ်ပုံ-ခင်ဦးပကဖ
စစ်တပ်စစ်ကြောင်းပျက်ပြီး လက်နက်ခဲယမ်း တွေရတာကို ကန့်ဘလူမြို့နယ်ပြည်သူ့ကာကွယ် ရေးရဲဘော်တစ်ဦးက အတည်ပြုပါတယ်။
စစ်တပ်စစ်ကြောင်းကနေ ၁၂ ဦး အရှင်မိပြီး လက်နက် ၂၇ လက် ရတယ် လို့ ကန့်ဘလူခရိုင် တပ်ရင်း ၃ တာဝန်ရှိသူတစ်ဦးက People’s Spring ကို အတည်ပြုပါတယ်။
အခြားတော်လှန်ရေးရဲဘော်တစ်ဦးက လည်းစစ်တပ်စစ်ကြောင်းဟာသေဆုံး ဒဏ်ရာရသူ၊အဖမ်းခံရသူ များပြားပြီး စစ်ကြောင်း တစ်ကြောင်းလုံးမှာ ၂၀ ခန့်သာ စခန်းချရာနေရာပြန်ရောက်တယ်လို့ပြောပါတယ် ။
စစ်တပ်ဝါဒဖြန့် တယ်လီဂရန်အချို့မှာလည်း ကန့်ဘလူနယ်မှာစစ်ကြောင်းတစ်ခုအဝိုင်းခံရတယ်လို့ရေးသားထားကြပါတယ် ။ကန့်ဘလူ ၊ဇီးကုန်း ၊ခင်ဦးနယ်မှာ PDF တွေအားကောင်းပြီး စစ်တပ်ကအကြိမ်ကြိမ်ခံနေရတာမို့ နယ်မြေရှင်းလင်းဖို့လိုနေပြီဆိုပြီး စစ်တပ်ဝါဒဖြန့်အကောင့်တွေကရေးသားထားတာကိုတွေ့ရပါတယ် ။နမခ နယ်ထဲ PDF တွေအလုံးအရင်းနဲ့ရောက်နေပြီး စစ်တပ်ကစစ်ကြောင်းတွေကလိုက်လံရှင်းလင်းနေတယ်လို့ ဝါဒဖြန့်နေကြပါတယ် ။
စစ်ကိုင်းတိုင်းပြည်သူ့ကာကွယ်ရေးတပ်ဖွဲက နိုဝင်ဘာ ၁၂ ရက်ညနေ ၆ နာရီခန့်မှာ တိုက်ပွဲသတင်းကနဦးထုတ်ပြန်တာမှာကန့်ဘလူခရိုင်၊ရွှေဘိုခရိုင်တွေမှာ စစ်ကြောင်းထိုး အကြမ်းဖက်နေတဲ့ စစ်တပ်စစ်ကြောင်းကို ယနေ့ မှာတော်လှန်ရေးတပ်တွေကကြားဖြတ်တိုက်ခိုက်တာမှာ စစ်တပ်စစ်ကြောင်းအထိနာပြီး စစ်သုံးပန်းနဲ့လက်နက်ခဲယမ်းတွေသိမ်းဆည်းရရှိခဲ့တယ်လို့ ဖော်ပြထားပါတယ်။
စစ်တပ်စစ်ကြောင်းကို ကန့်ဘလူခရိုင်ပကဖ အထူးလှုပ်ရှားတပ်ရင်း၊ရေဦးမြို့နယ်ပကဖ ဓူဝံအဖွဲ့၊ရွှေဘိုခရိုင်အမှတ်(၃)တပ်ရင်း(ခင်ဦး)၊အမှတ်(၂၅)တပ်ရင်း(တန့်ဆည်)နဲ့တော်လှန်ရေးအင်အားစုတွေကကြားဖျတ်တိုက်ခိုက်ခဲ့တာလို့သိရပါတယ်။
ထုတ်ပြန်တဲ့သတင်းဓါတ်ပုံမှာ စစ်သုံ့ပန်း ၁၄ ဦး ၊ လက်နက်မျိုးစုံ ၂၀ ခန့် နဲ့ ခဲယမ်း တွေသိမ်းဆည်းရရှိတာကိုတွေ့ရပါတယ်။
သေဆုံးထိခိုက်တာတွေ များခဲ့လို့ စစ်တပ်က အနောက်မြောက်တိုင်းစစ်ဌာနချုပ်(နမခ) ကနေ Gyrocopterသုံးစီးနဲ့ ဒီကနေ့ ညနေ ၃ နာရီခွဲဝန်းကျင်မှာ လေကြောင်းတိုက်ခိုက်မှုတွေလုပ်ခဲ့တပါတယ်။
နိုဝင်ဘာ ၁၁ ရက်ကစပြီး ကန့်ဘလူ နဲ့ ရေဦး မြို့နယ်ဘက်ကနေ ခင်ဦးမြို့နယ်ကို စစ်တပ်က နှစ်ဖက်ညှပ်စစ်ကြောင်း ထိုးလာတာဖြစ်ပါတယ်။
ခင်ဦးနယ် အနောက်မြောက်ခြမ်းက ကျေးရွာတွေကို ကန့်ဘလူနယ်ဘက်က အင်အား ၁၀၀ ကျော်ပါတဲ့စစ်တပ်ရဲ့ ခြေလျင်စစ်ကြောင်း နဲ့ ရေဦးမြို့က နေ မူးမြစ်ကူးကာ တက်လာတဲ့အင် အား ၈၀ဝန်းကျင်ပါစစ်ကြောင်းတို့က တစ်ပြိုက်တည်း စစ် ကြောင်း ထိုးလာတာလို့ ခင်ဦးမြို့နယ်သတင်းမှန်ပြန် ကြားရေးကထုတ်ပြန်ထားပါတယ်။
အဲဒါကြောင့် ငါးရုံကြီး၊ရှားတော၊ကျောက်တိုင်၊ကျီစု၊မုံလှ၊သာဝတ္ထိ၊မြင်းကျ၊သရက်တော၊ကင်းပြစ်၊မန်ကျီးအုပ်၊ ယာတော်၊ မြင်းဒေါင်း၊သရက်ပင်ပင်စု၊သက်သာပန်းတောင်းကျေးရွာတွေက ပြည်သူ ငါးထောင်ကျော်ထွက်ပြေးနေရတယ်လို့ အသိပေးပါတယ်။
စစ်တပ်က စစ်ကိုင်းတိုင်းထဲက ဗျူဟာလမ်းတွေ၊မိန်းလမ်းကြောတွေနဲ့ တော်လှန်ရေးအင်အား စုထိန်းချုပ်တဲ့ နေရာတွေကို စိုးမိုးဖို့ ကြိုးစားနေပြီး သြဂုတ်လက ကန့်ဘလူမြို့နယ်က ရွှေဘို–မြစ်ကြီးနားဗျူဟာလမ်းပိုင်းကို ပြန်ထိန်းချုပ်ခဲ့ပါတယ်။
ဒါ့ပေမယ့် ခင်ဦးမြို့နယ်က လမ်းပိုင်းကို ဆက် ထိန်းချုပ်ဖို့ စစ်ကြောင်းထိုးခဲ့ပေမယ့် တော်လှမ်ရေးအင်အားစုတွေကစစ်ကြောင်းပျက်တဲ့အထိ တိုက် ခိုက်နိုင်ခဲ့ပါတယ်။
စက်တင်ဘာ ၂၂ ရက်က ခင်ဦး-ရွှေဘိုလမ်းပိုင်းတိုက်ပွဲမှာဒုဗိုလ်မှူးကြီးအဆင့်တွေအပါအဝင် စစ်ကောင်စီတပ်သားတွေ သေဆုံးခဲ့ပြီး လက်နက်တွေနဲ့ စစ်သုံ့ပန်းအချို့ပါ သိမ်းဆည်းရရှိခဲ့လို့သက်ဆိုင်ရာတပ်ရင်းတွေက ထုတ်ပြန်ထားပါတယ်။
