နိုဝင်ဘာ-၂၅၊ ၂၀၂၅။ဇေအောင်/People’s Spring
မကွေးတိုင်း၊ နတ်မောက်မြို့နယ်မှာ စစ်ကြောင်းထိုးလာတဲ့ စစ်ကောင်စီတပ်ကို တိုက်ခိုက်ရာ အထိနာသွားတယ်လို့ နတ်မောက်ဂဠုန် PDFရဲ့ တာဝန်ရှိသူ ကိုအောင်ဒင်က ပြောပါတယ်။
ဒီကနေ့ နိုဝင်ဘာ ၂၅ ရက် မနက် ၈နာရီခွဲခန့်က နတ်မောက်မြို့နယ် ရွာမွန်ရွာကနေ စစ်ကြောင်းထိုးလာတဲ့ အင်အား ၈၀ခန့်ပါ စစ်ကောင်စီတပ်စစ်ကြောင်းကို ကျောက်တန်းကျေးရွာနဲ့ သရက်ချောင်း ကံလှကျေးရွာကြားမှာ နေပြည်တော်တပ်ရင်းဗျူဟာ ၁၇၊ တပ်ရင်း ၉၀၃ဖြစ်တဲ့ နတ်မောက်ဂဠုန် PDF အဖွဲ့က တိုက်ခိုက်ခဲ့တာပါ။
နတ်မောက်မှာ စစ်ကြောင်းထိုးလာတဲ့ စစ်တပ် တိုက်ခိုက်ခံရ နိုဝင်ဘာ-၂၅၊ ၂၀၂၅။ဇေအောင်/People's Spring မကွေးတိုင်း၊…
Posted by People's Spring on Tuesday 25 November 2025
“ ကျွန်တော်တို့နဲ့ ထိပ်တိုက်တွေ့တာပါ။ ၁၀ လောက်တော့ အနည်းဆုံးသေနိုင်တယ်။ တောင်ပေါ်နဲ့ တောင်အောက်ပစ်တာဆိုတော့လေ။” လို့ နတ်မောက်ဂဠုန် PDF ရဲ့ တာဝန်ရှိသူ ကိုအောင်ဒင်က ပြောပါတယ်။
Public Service Announcement
စစ်ကောင်စီဘက်က ထိခိုက်သေဆုံးမှုကို လူထုနွေဦးက သီးခြားအတည်ပြုနိုင်တာ မရှိသေးပါဘူး။ တိုက်ပွဲဟာ မိနစ် ၂၀ ခန့်ကြာပြီးနောက် နတ်မောက်မြို့ဘက်ကနေ စစ်ကူတွေ တက်လာတဲ့အတွက် တော်လှန်ရေးရဲဘော်တွေ ဆုတ်ခွာခဲ့တယ်လို့ သိရပါတယ်။
နတ်မောက်မြို့နယ်မှာလည်း စစ်တပ်က လေကြောင်းတိုက်ခိုက်မှုတွေ ပြုလုပ်နေပြီး ပြီးခဲ့တဲ့ နိုဝင်ဘာ ၁၇ရက်က ကြက်သောက်တွင်းကျေးရွာကို လေကြောင်းတိုက်ခိုက်လို့ ပြည်သူ ၃ဦး သေဆုံးခဲ့ပါသေးတယ်။
