ဒီဇင်ဘာ-၂၄ ၊ ၂၀၂၅။မိုမို/People’s Spring
မွန်ပြည်နယ်၊ ကျိုက်ထိုမြို့နယ်၊ သိမ်ဇရပ်မြို့ အခြေစိုက် ခမရ(၂၀၇)တပ်ရင်းနဲ့ အမြောက်တပ် (၃၁၀)တပ်အတွင်းကို လက်နက်ကြီးတွေနဲ့ ပစ်ခတ်ခဲ့တယ်လို့ ပဲခူးခရိုင်ပြည်သူ့ကာကွယ်ရေးအဖွဲ့(ပကဖ)က ဒီကနေ့ (ဒီဇင်ဘာ ၂၄ရက်)မှာ ထုတ်ပြန်ပါတယ်။
တပ်မဟာ (၁)၊ရင်း (၃) KNU ဇီးပြောင်းကျေးနယ်ကာကွယ်ရေးရေးအဖွဲ့၊ဒေါနတပ်ရင်းနဲ့ ပဲခူးခရိုင်လက်နက်ကြီးတပ်ဖွဲ့တို့ ပူးပေါင်းပြီး ဒီဇင်ဘာ ၂၁ရက်က တိုက်ခိုက်ခဲ့တာလို့ ဆိုပါတယ်။
“ရန်သူဘက်မှ ထိခိုက်ကျဆုံးမှု အခြေအနေမသိရသေးပါ”လို့ ပဲခူးခရိုင်ပကဖက အသိပေးပါတယ်။
Public Service Announcement
“သိမ်ဇရပ်မှာက ရဲစခန်းနဲ့ တပ်ရင်းတွေရဲ့ ကာကင်းသုံးခုလောက်ရှိတယ်။တနေ့က လက်နက် ကြီးနဲ့ပစ်တယ်လို့တော့ ကြားပေမယ့် ဘာဆက်ဖြစ်တယ်မသိရသေးဘူး”လို့ ဒေသခံတစ်ဦးက ပြောပါတယ်။
ပဲခူးခရိုင်ပကဖစစ်ကြောင်းဟာ အမှတ်(၁) စစ် ဆင်ရေးနယ်မြေ၊ အထူးတိုင်းစစ်ဌာနရဲ့ စစ်ဆင်ရေးကွပ်ကဲမှူအတွင်းမှာရှိတဲ့ ဝေါ၊ကဝ၊သနပ္ပင်၊ပဲခူး (အင်းတကော်၊ ဘုရားကြီး၊ပဲခူး) မြို့နယ်ပြည်သူ့ကာကွယ်ရေးအဖွဲ့ (ပကဖ)တွေနဲ့ ပေါင်းစည်းထားပါတယ်။
စစ်တောင်းမြစ်ဝှမ်းထိန်းချုပ်နိုင်ရေးအတွက် တော်လှန်ရေး အင်အားစုတွေနဲ့ စစ်ကောင်စီတပ်ကြားမှာ စစ်ရေးပြင်ဆင်တာ၊အင်အားတိုးနေတာနဲ့ တိုက်ပွဲတွေလည်း ဆက်ရှိပါတယ်။
စစ်တောင်းမြစ်ရဲ့အနောက်ဘက်က ရေတာရှည်၊ထန်းတပင်နဲ့ ညောင်လေးပင်မြို့နယ်တွေမှာ အောက်တိုဘာက တိုက်ပွဲတွေဖြစ်ခဲ့ပြီး စစ်ကောင်စီတပ်က တပ်ရင်းမှူးအဆင့်ရှိသူတွေအပါအဝင် ၂၀ ဝန်းကျင် သေဆုံးခဲ့ပြီး ကာကွယ်ရေးတပ်ဖွဲ့ဝင်တချို့ ထိခိုက် ကျဆုံးခဲ့တယ်လို့ သိရပါတယ်။
သိမ်ဇရပ်မြို့အခြေစိုက် စစ်ကောင်စီတပ်ရင်းတွေကို တော်လှန်ရေးအဖွဲ့တွေ လက်နက်ကြီးတွေ ပစ်ခတ် ဒီဇင်ဘာ-၂၄ ၊ ၂၀၂၅။မိုမို/People…
Posted by People's Spring on Tuesday 23 December 2025
ရုပ်သံ – ပဲခူးခရိုင် ပကဖ
