ဒီဇင်ဘာ၂၇၊၂၀၂၅၊ရှိန်း/People’s Spring
မန္တလေး၊မတ္တရာမြို့နယ်မှာ စစ်တပ်ကပြန်သိမ်းတဲ့ ကျေးရွာတွေကို ပြန်ဝင်တဲ့ ပြည်သူတွေကို ၆ရက်အတွင်းရွာလုံးကျွတ်ပြောင်းရွေ့ဖို့ စစ်တပ်က အမိန့်ထုတ်ထားတယ်လို့ ဒေသခံတွေက ပြောပါတယ်။
ဒီဇင်ဘာလ၂၆ ရက် ရက်စွဲနဲ့ မတ္တရာမြို့နယ်အရှေ့ခြမ်း၊ရှမ်းရိုးမတောင်တန်းနဲ့ နီးတဲ့ အုန်းလွတ်၊ တောင်ကောင်း၊တောင်နီ ကျေးရွာတွေ အပါအဝင် အနီးနားက တောင်ပေါ်ကျေးရွာတွေကို ကျောက်ဆည် လေးရွာနဲ့ အနီးတဝိုက် မြေပြန့် ကျေးရွာတွေကို ဇန်နဝါရီလ၁ ရက်မှာ အပြီးပြောင်းရွေ့ဖို့ စစ်တပ်က အမိန့်ထုတ်ထားတယ်လို့သိရပါတယ်။
“ အုန်းလွတ်၊ကြာပင်ရွာတွေရဲ့ အရှေ့မှာက တောင်တန်းရှိတယ်။တောင်တန်းရဲ့ ဟိုဘက်မှာကရှမ်းပြည်ရှိတယ်။ တော်လှန်ရေး သမား တွေအဲ့ဘက်က နေဝင်ပြီး တော့ ခြုံခိုတိုက်လို့ရတဲ့ နေရာလည်းဖြစ်ပြီး စကစက လှုပ်ရှားတာ တွေအကုန်လုံးကို အုန်းလွတ်ရွာထဲက ပြည်သူ တွေ တော်လှန်ရေးနယ်ပယ်ဘက်ကို သတင်း ပေးမှာကိုစိုးရိမ်လို့ ကြိုတင်ရွေ့ခိုင်းတယ်လို့ အကြမ်းဖျင်းသိထားရပါတယ်” လို့ ဒေသခံတဦးက ပြောပါတယ်။
Public Service Announcement
မတ္တရာမြို့နယ်ကို စစ်ကောင်စီတပ်က ဩဂုတ်ကနေ နိုဝင်ဘာအတွင်းမှာ သိမ်းယူသွားပြီးနောက် ဒေသခံပြည်သူ သိန်းနဲ့ချီကာ ထွက်ပြေး တိမ်းရှောင်ခဲ့ရပါတယ်။
အဲဒီနောက်စစ်တပ်က ကျေးရွာတွေအတွင်းဝင် ပြန်ဝင်ရောက်ဖို့ခေါ်ခဲ့ရာ မတ္တရာအရှေ့ခြမ်းမှာ စုစု ပေါင်း ဒေသခံ ၂၀,၀၀ ခန့်ပြန်လည်ဝင် ရောက်ခဲ့တယ်လို့ သိရပါတယ်။
