ဒီဇင်ဘာ ၂၈၊၂၀၂၅ ဇေအောင်/People’s Spring
မန္တလေးတိုင်း၊ မြင်းခြံမြို့နယ်မှာ ပျူစောထီးခေါင်းဆောင် သီတာယုမွန်ရဲ့နောက်လိုက် ပျူစောထီးအမျိုးသမီး ၃ဦးကို ဖမ်းဆီးရမိခဲ့ကြောင်း ထနောင်းမြေစစ်ကြောင်းရဲ့ တာဝန်ရှိသူက ပြောပါတယ်။
မနေ့က ဒီဇင်ဘာ ၂၇ရက်က မြင်းခြံမြို့အနီးမှာ ထနောင်းမြေစစ်ကြာင်းနဲ့ မြင်းခြံခရိုင် အမှတ်(၁) တပ်ရင်း တို့ပူးပေါင်းပြီး ကင်းပုန်းဝပ်စောင့်ဆိုင်းနေစဉ် မြို့တွင်းကထွက်လာတဲ့ ပျူခေါင်းဆောင် သီတာယုမွန်ရဲ့ နောက်လိုက် ပျူစောထီး အမျိုးသမီး ၃ ဦးကို ဖမ်းဆီးနိုင်ခဲ့တာဖြစ်ကြောင်း ထနောင်းမြေစစ်ကြောင်းရဲ့ တာဝန်ရှိသူက ပြောပါတယ်။
“ လက်နက်တော့ မပါဘူး။ သူတို့ကိုတော့ စစ်ဆေးနေတုန်းပဲ ရှိသေးတယ်။” လို့ အထက်ပါ တာဝန်ရှိသူက ပြောပါတယ်။
Public Service Announcement
၎င်းတို့ ၃ဦးဖမ်းဆီးစဥ် ဒဏ်ရာအချို့ ရရှိသွားတဲ့အတွက် ထိပ်တုံးခတ်ကာ ဆေးကုသမှုပေးနေတယ်လို့ ထနောင်းမြေစစ်ကြောင်းရဲ့ တာဝန်ရှိသူက ပြောပါတယ်။
သီတာယုမွန်ဟာ မြင်းခြံနယ်မှာ စစ်အုပ်စုအလိုကျ သောင်းကျန်းနေတဲ့ ပျူစောထီးခေါင်းဆောင်တစ်ဦးဖြစ်ပြီး ပြီးခဲ့တဲ့ နိုဝင်ဘာ ၂၉ ရက်ကလည်း ညောင်ဦး-မြင်းခြံလမ်းပိုင်းမှာ သီတာယုမွန်ရဲ့အဖွဲ့သားတွေ လိုက်ပါလာတဲ့ကား တိုက်ခိုက်ခံရပြီး အမျိုးသမီး ၄ ဦးအကာအဝင် ၅ဦးသေဆုံးကာ လက်နက် ၃လက်နဲ့ ခဲယမ်းတွေတော်လှန်ရေးတပ်ဖွဲ့တွေက သိမ်းဆည်းရရှိခဲ့ပါသေးတယ်။
