ဒီဇင်ဘာ-၂၈၊၂၀၂၅။ကဖေး/People’s Spring
ပြည်သူတွေကို အတင်းအကြပ် ဖိအားပေးပြုလုပ်နေတဲ့ ရွေးကောက်ပွဲနေ့မှာ စစ်ကိုင်းတိုင်းက ဘုတလင်၊ကသာနဲ့ အရာတော်မြို့နယ်တွေက စစ်ကောင်စီတပ်စခန်းတွေကို ပြည်သူ့ကာကွယ်ရေးတပ်မတော် တပ်ရင်း၊တပ်ဖွဲ့တွေက တပြိုင်နက်ဝင်ရောက်တိုက်ခိုက်နေပြီး တိုက်ပွဲပြင်းထန်နေပါတယ်။
” ၃မြို့နယ်ကို ဝင်တိုက်နေတာ။ အခြေအနေကောင်းတယ်” လို့ စစ်ရေးအခြေအနေကိုသိတဲ့ တော်လှန်ရေးရဲဘော်တစ်ဦးက ပြောပါတယ်။
ဘုတလင်နဲ့ကသာမြို့ကို မြို့သိမ်းတိုက်ပွဲအထိ စစ်ရေးဖော်ဆောင်နေတာဖြစ်ပြီး အရာတော်မြို့ကိုတော့ မြို့အနီးကစခန်းတွေ တိုက်ခိုက်နေတာလို့ စစ်ရေးသတင်းရင်းမြစ်ကဆိုပါတယ်။
Public Service Announcement
တိုက်ပွဲမှာ အထိနာနေတဲ့စစ်ကောင်စီတပ်က လေကြောင်းကနေ ဗုံးကြဲတိုက်ခိုက်နေတယ်လို့ သိရပါတယ်။
မကွေးတိုင်းမှာလည်း ဆင်ဖြူကျွန်းမြို့ကို ပြည်သူ့ကာကွယ်ရေးပူးပေါင်းတပ်ဖွဲ့တွေက မြို့သိမ်းတိုက်ပွဲဖော်ဆောင်နေပြီး စစ်ကောင်စီက လေကြောင်းကနေ အင်အားအများအပြားဖြည့်တင်းနေပါတယ်။
