ဇန်နဝါရီ-၁၇ ၊၂၀၂၆။မိုမို/People’s Spring
မကွေးတိုင်၊မင်းဘူးမြို့နယ်၊မုန်တောင်ရဲစခန်းကို သိမ်းပိုက်နိုင်ခဲ့တယ်လို့ မင်းဘူးခရိုင် ကာကွယ်ရေး တပ်ဖွဲ့ တာဝန်ရှိသူတစ်ဦးက ပြောပါတယ်။
မနေ့က(ဇန်နဝါရီ ၁၆ ရက်) မနက် အစောပိုင်းက မုန်တောင်ရွာရဲစခန်းကိုသိမ်းပိုက်ခဲ့တာဖြစ်ပြီး စခန်းကို မီးရှို့ရှင်းလင်းခဲ့တယ်လို့ ဆိုပါတယ်။
“စခန်းမှူးဒဏ်ရာရတယ်။နောက်ရဲတချို့လည်းကျည်ထိတယ်။ပြေးကြတာ။စကုဆေးရုံရောက်သွားတယ်။မိတဲ့သူ မရှိဘူး”လို့ အထက်ပါတာဝန်ရှိသူက ပြောပါတယ်။
Public Service Announcement
မုန်တောင် စခန်းကို သိမ်းပိုက်ပြီး နောက် မီးရှို့ရှင်းလင်းခဲ့တယ်လို့ သူက အသိပေးပါတယ်။စခန်းကနေ စစ်ဘက်အသုံးအဆောင်ပစ္စည်း တချို့ သိမ်း ရခဲ့တယ်လို့ ဆိုပါတယ်။
မုန်တောင်ရွာဟာမင်းဘူးမြို့ရဲ့တောင်ဘက်ခြမ်းနဲ့ ဆားပွက်ချောင်းဘေးမှာရှိပါတယ်။လက်ရှိမှာ မုန်တောင်ရွာကိုဦးတည်ပြီး စစ်တပ်က မင်းတုန်းမြို့ကနေစစ်ကူတချို့ ပို့နေတယ်လို့ သိရပါတယ်။
မကွေးတိုင်းထဲက မကွေးခရိုင်၊ သရက်ခရိုင်၊ပခုက္ကူခရိုင်၊မင်းဘူးခရိုင် နဲ့ ဂန့်ဂေါခရိုင် တွေမှာ ရှိတဲ့စစ်တပ်ကင်းစခန်း၊ဂိတ်စခန်းတွေ ကို ကာကွယ်ရေးတပ်တွေက အခုလပိုင်း အရှိန်မြှင့်တိုက်ခိုက်နေတာ တွေ့ရပါတယ်။
ပြီးခဲ့တဲ့ ဇန်နဝါရီ ၁၄ ရက်နေ့ကလည်း တောင်တွင်းကြီးမြို့နယ် မှာ စစ်တပ်ကို တိုက်ခိုက်မှု နဲ့ ၈ ရက်နေ့မှာ ဆင်ပေါင်ဝဲမြို့နယ်က စစ်တပ် ကာကင်းစခန်းသုံးခုကို ကာကွယ်ရေးတပ်တွေ သိမ်း ပိုက်ခဲ့ပြီး လက်နက်တွေနဲ့ ခဲယမ်းအချို့ရရှိခဲ့ပါတယ်။
ဒါ့အပြင် သရက်ခရိုင်ထဲမှာ စစ်ကြောင်းထိုးနေတဲ့ စစ်တပ်နဲ့ ကာကွယ်ရေးတပ်ဖွဲ့တွေ ထိတွေ့မှု တွေ ရှိနေပါတယ်။
