ဇန်နဝါရီ-၁၈၊၂၀၂၆။မေရီ/People’s Spring
မန္တလေးတိုင်း၊ မိတ္ထီလာမှာ ပန်းရံအလုပ်သမားတစ်ဦး ဆောက်လုပ်ရေးလုပ်ငန်းခွင်တစ်ခုမှာ ဓာတ်လိုက်သေဆုံးသွားကြောင်း ဒေသခံတွေက ပြောပါတယ်။
ဇန်နဝါရီ ၁၇ ရက် မနက်ပိုင်းက မိတ္ထီလာမြို့၊ ဝန်ဇင်းရပ်ကွက်က ဆောက်လုပ်ဆဲနေအိမ်တစ်ခုမှာ အလုပ်ဝင်နေတဲ့ အသက် ၁၉ နှစ်အရွယ် လူငယ်အမျိုးသားတစ်ဦးဟာ ဓာတ်လိုက်သေဆုံးသွားခဲ့တာဖြစ်ကြောင်း ဒေသခံအချို့က ပြောပါတယ်။
“ပန်းရံသွားလုပ်တာဘိလပ်မြေနယ်ဖို့ရေလိုတာ၊
ရေထမောင်းပေးပြီးရေပြည့်လို့ပြန်ပိတ်တဲ့အပိတ်ကိုလက်နဲဆွဲပြီးဝါယာကြိုးဖြုတ်တဲ့အချိန်ဓါတ်လိုက်သွားတာပါ”လို့ ဒေသခံတဦးကပြောပါတယ်။
Public Service Announcement
အဲဒီလူငယ်ဟာ ဖြစ်ဖြစ်ချင်း သတိလစ်မေ့မျောသွားခဲ့ပြီး ဆေးရုံရောက်မှ သေဆုံးသွားခဲ့တာဖြစ်ကြောင်း ဒေသခံတွေက ပြောပါတယ်။ သေ
ဆုံးသူဟာ မိတ္ထီလာမြို့နယ်၊ ညောင်ကားယားကျေးရွာမှာ နေထိုင်သူဖြစ်ကြောင်း သိရပါတယ်။
စစ်ကောင်စီလက်အောက်ခံအလုပ်သမားဝန်ကြီး
ဌာနနဲ့ လူမှုဖူလုံရေးအဖွဲ့ (SSB) ရဲ့ နောက်ဆုံးထုတ်ပြန်ချက်တွေအရ ၂၀၂၄ နဲ့ ၂၀၂၄ ခုနှစ်အတွင်း မြန်မာနိုင်ငံမှာ လုပ်ငန်းခွင်ထိခိုက်မှုကြောင့် သေဆုံးသူ ၁၅၀ ဦးကနေ ၂၀၀ ဝန်းကျင်အထိ အစီရင်ခံတင်ပြလေ့ရှိကြောင်း၊ ဒီအချက်
အလက်ဟာ အာမခံထားသူစာရင်းသာဖြစ်ပြီး အပြင်မှာ ဒီထက်ပိုများနိုင်တယ်လို့ သိရပါတယ်။
(●မှတ်ချက်- သတင်းကို ဇန်နဝါရီ ၁၈ ရက်ညနေ ၅ နာရီ ၂၂ မိနစ်မှာထပ်မံပြင်ဆင် ဖြည့်စွက်ထားပါတယ်)
