စဉ့်ကူးအနောက်ခြမ်းကပြည်သူတွေရွာထဲပြန်ဝင်ဖို့ စစ်တပ်ကိုတစ်အိမ်ငါးသောင်း​​​​ပေး​နေရ

ဇန်နဝါရီ-၁၉၊၂၀၂၆။ရှိန်း/People’s Spring

မန္တလေးတိုင်း၊စဉ့်ကူးမြို့နယ်အနောက်ခြမ်းက ‌‌‌‌‌‌‌‌‌‌‌‌‌‌‌‌ဒေသခံပြည်သူတွေ ရွာအတွင်း ပြန်ဝင်ချင်ရင် စစ်တပ်ကို တအိမ်ကျပ် ငါး​သောင်းပေးရတယ်လို့ ဒေသခံအချို့က​ပြောပါတယ်။

ဇန်နဝါရီလ၂ရက်နေ့ကစဉ့်ကူးမြို့နယ်အနောက်ခြမ်း၊ကျွန်းကြီးရွာကိုစစ်တပ်ကပစ်ခတ်ဝင် ရောက်ခဲ့ပြီး ဒီ​နေ့အထိတပ်စွဲထားတာလို့ သိရပါတယ်။

ဒါ့အပြင်သဲအင်း၊ကြက်တူရွေး၊ဟင်္သာမ ရွာ​တွေကိုပါ တပ်ဖြန့်ထားတယ်လို့ သိရပါတယ်။

Public Service Announcement

အဲဒီစစ်​ကြောင်း စီးနင်းဝင်​ရောက်မှု​ကြောင့်ဒေသခံပြည်သူ တွေထွက်ပြေးခဲ့ရတာဖြစ်ပါတယ်။အဲဒီ​နောက် စစ်တပ်ကရွာအတွင်းတပ်စွဲပြီးဝင်ခွင့် ပိတ်ထားတာဖြစ်ပါတယ်။

“စစ်တပ်က ပေးမဝင်ဘူး။‌‌ဝင်ချင်ရင်တအိမ်ထောင်စုကို ငါးသောင်း ပေးဆိုပြီး တောင်းတာ။ကျွန်းကြီးရွာက တော့ ပေးလိုက်တာ။တရွာလုံးဆိုသိန်း ၄၀၀ ကျော်တဲ့။အခုသဲအင်းလည်းပေးမယ်ကြားတယ်။ငါးသောင်းဆိုတာနည်းတာမဟုတ်ဘူး။‌မရှိတဲ့သူ တော့မဝင်နဲ့ ပေါ့”လို့ ဒေသခံတဦး ကပြောပါတယ်။

အဲဒီကျေးရွာတွေဟာလက်ရှိမှာ မြေပဲနဲ့သီးနှံတွေစိုက်ပျိုးထားချိန်မို့ ‌‌‌‌‌‌‌‌‌‌‌‌‌‌‌‌ဒေသခံ တွေက ရွာထဲဝင်ပြီး တောင်သူ လုပ်ကိုင်ချင်နေကြတာလို့သိရပါတယ်။

ကျွန်းကြီးနဲ့ ကြက်တူရွေးရွာကိုအထိုင်ချထားတဲ့ စစ်တပ်က လက်နက်ကြီး တွေနဲ့ပစ်ခတ်ခဲ့တာမို့ဇန်နဝါရီ၁၅ ရက်နေ့က ဝက်လက်မြို့နယ်အရှေ့ခြမ်းရေလည်မော်ရွာကပြည်သူ ၃ဦး သေဆုံးခဲ့ပါတယ်။