ဇန်နဝါရီ ၂၃၊၂၀၂၆။ သုည/People’s Spring
စစ်ကိုင်းတိုင်း ယင်းမာပင်ခရိုင်က ဆားလင်းကြီးမြို့နယ်မှာ ၅/ဆလကလူထုသပိတ်စစ်ကြောင်းဖော်ဆောင်ရေးကွန်ရက်နဲ့ အာဏာရှင်တော်လှန်ရေး PDF အဖွဲ့တို့က စစ်တပ်ရွေးကောက်ပွဲ ဆန့်ကျင်ရေးလှုပ်ရှားမှုတွေကို ဒီကနေ့ (ဇန်နဝါရီ ၂၃) မှာ ပြုလုပ်ခဲ့ပါတယ်။
ဆားလင်းကြီးမြို့ရဲ့ အဓိကနေရာတွေဖြစ်တဲ့ မြို့အဝင်အထွက်ဆိုင်းဘုတ်နေရာနဲ့ တံတားတွေမှာ “အတုယောင်ရွေးကောက်ပွဲ ဆန့်ကျင်ရေး” စာသားပါ စာရွက်တွေ ချိတ်ကပ်ပြီး “စစ်ခွေးဒူးထောက် 2026” ကြွေးကြော်သံတွေနဲ့ ဆန္ဒပြခဲ့ပါတယ်။
စစ်ကိုင်းတိုင်းအတွင်းက ဒေသခံတော်လှန်ပြည်သူတွေဟာ နယ်မြေမငြိမ်သက်မှုကြားထဲကနေပဲ စစ်အာဏာရှင်ကျဆုံးရေးနဲ့ စစ်တပ်ရွေးကောက်ပွဲဆန့်ကျင်ရေး ဆန္ဒပြသပိတ်ကို နေ့စဉ်ပြုလုပ်နေကြပါတယ်။
Public Service Announcement
